Ai 16 di Març laboratori artistic par fruts a Cjase Cavazzini

Al è timp fin aes 17 di vinars ai 14 di Març par prenotâ la iniziative prossime dai servizis didatics dai museus civics. Domenie ai 16 di Març des 15 aes 17 Cjase Cavazzini e darà acet a un laboratori artistic origjinâl par fruts dai 6 ai 10 agns. I piçui partecipantis a podaran aprofondî la tecniche dal collages e doprâ des cjartis insolitis par fâ une secuence narative inedite. Il cost dal laboratori al è di 8 euros. Par informazions e prenotazions al è pussibil contatâ il Servizi Didatic telefonant al numar 0432/414749 il lunis, il martars e la joibe des 9 aes 13 e des 14 aes 17, il miercus e il vinars des 9 aes 13, o al è pussibil scrivi ae direzion di pueste didatticamusei@comune.udine.it.