Apontaments pal “Pi Greco Day”

Ancje Udin e partecipe al “Pi Greco Day”, zornade par promovi la difusion de sience e de matematiche, celebrade in dut il mont vinars ai 14 di Març. Diviers i apontaments tacâts intai dîs passâts e che si sieraran sabide ai 15. Si tache vinars a matine ae Ludoteche comunâl in vie del Sale cu la “Sfida all’ultima cifra”, la gare classiche mnemoniche, intal dopo misdì a 15, in sale Ajace si sfidaran inte gare mnemoniche i zovins cun mancul di 18 agns, a 16 invezit a son in program lis premiazions, si larà indenant, simpri in sale Ajace a 17.75 cu la presentazion di “Sigmath” un progjet euopean che al ponte al miorà l’aces aes cognossincis di base de matematiche pai adults. A 17.30 il sindic, Furio Honsell, al presentarà il spetacul di magie di Ennio Perse, la zornade si sierarà a 20.30 cu la proiezion, sore nuie, al cine Visionario dal film “21” di Rovert Luketic. Par informazions e detais sul program e sui apontaments al è pussibil contatâ la Ludoteche comunâl clamant il numar 0432/271677-156.