Udin par furlan dai 19 di Dicembar

Scolte la gnove pontade dal boletin radiofonic setemanâl dal progjet Udin par furlan


E cres la colaborazion tra Confcumierç, SSM e Comun

In plui di dâsi dongje par planificâ la soste intant des domeniis di Dicembar, Confcumierç, SSM e Comun a lavorin adun par condividi lis informazions sui cantîrs in citât. Un tant al diven de riunion che si è tignude vuê di matine tra i assessôrs pes ativitâts economichis e pe mobilitât, Alessandro Venanzi e Enrico Pizza, e i dirigjents dal mandament udinês de Confcumierç. Par chel che al rivuarde la soste, i autoparcs in struture de citât a restaran vierts…

Polizie locâl, convenzion tra i Comuns di Udin e Reane

Dopo dal Comun di Cjampfuarmit ancje chel di Reane si zovarà dai servizis ufierts de polizie locâl de capitâl furlane. Cun di fat e je stade firmade dal comandant de polizie udinese, Sergio Bedessi, e dal segretari comunâl di Reane, Marco Coiz, la convenzion che cul prin di Dicembar e permet di meti a disposizion un agjent de polizie locâl di Udin al servizi de aministrazion comunâl vicine. Lis funzions davueltis a saran pal plui chês di polizie stradâl e…

Finîts i lavôrs alì dal parc della Rimembranza

Cul meti jù 28 ponts lûs a Led il Comun al à puartât insom ta chestis zornadis il gnûf sisteme di iluminazion publiche dal parc della Rimembranza di viâl Diaz. L’intervento, afidât a AcegasApsAmga, al à vût une spese tor dai 77 mil euros . In plui dai lavôrs dentri dal parc si son zontâts chei su la jentrade ae aree verde di plaçâl Del Din che a àn permetût di restaurâ il prât origjinari.

Fin ai 3 di Dicembar lis candidaturis a “Giovani di Pre.gio”

Al è timp fin ai 3 di Dicembar par presentâ lis candidaturis al premi “Giovani di Pre.gio”, ricognossiment istituît chest an dal Comun par premiâ i fantats e lis fantatis pai risultâts in ambit scolastic, dal volontariât e dal sport. Tre a son lis categoriis dai ricognossiments. Une sezion e je indreçade ai zovins des scuelis secondariis di secont grât de citât. I dirigjents dai istitûts scolastic a puedin proponi i nons di un o doi arlêfs. Une altre sezion…

Cun lunis riunions dal Consei in streaming

Dopo dai esperiments dai ultins agns e dopo vê fat bon il regolament pes ripresis audiovisivis, al è dut a bon par tacâ cu lis diretis in streaming des riunion dal Consei comunâl. La partence e je stade programade par lunis ai 30 di Novembar, a 5 e mieze dopodimisdì. Il servizi al permetarà di fâ viodi in direte lis riunions de Assemblee e des Comissions comunâls e ancje di creâ un archivi dai lavôrs che si puedin viodi sei…

Presentât il program di “Dicembre a Udine”

A son un centenâr i events in program pes fiestis di Nadâl a Udin. La iniziative nomenade “Dicembre a Udine” e je stade presentade îr, ai 26 di Novembar, de aministrazion comunâl. Un centenâr i apontaments in citât tra concierts, spetacui di teatri e di danze, iniziativis pai fruts, mostris, conferencis, presentazions e fiestis intai cuartîrs. A tacâ dal marcjât di Nadâl de Confartesanât in place Sant Jacum dai 4 ai 24 di Dicembar. Duncje, no dome fieste intal centri…

In spedizion i boletins par paiâ la Tasi

Cui 27 di Novembar il Comun al tacarà a mandâ tes cjasis dai citadins i boletins pal paiament dal salt de Tasi che al scjât ai 16 di Dicembar. Il model F24 semplificât za compilât al è compagnât di une note informative e un scheme che al propon ducj i dâts doprâts par calcolâ la impueste. La spedizion a cjase nol è un at dovût, e chel di Udin al è un dai pôcs Comuns de regjon a fâle cun…

Scovacis, il Comun al sosten il panzit ecologjic

Il Comun al judarà cuntun contribût lis fameis che a compraran pai fruts panzits ecologjics lavabii. Inte setemane europeane pe diminuzion des scovacis, che e cole dai 21 ai 29 di Novembar, la Aministrazion e fas partî une iniziative par sbassâ une des sezions di refudums secs plui gruessis e plui dificilis di smaltî. Il panzit nol è dome un element dificil di gjestî intai refudons, ma ancje un grues cost par lis fameis. Doprâ il panzit al puartarès un…

Ai 26 di Novembar la conference “Passi nel mondo”

Cemût vegnie vivude la Zornade internazionâl par la eliminazion de violence su lis feminis intal rest dal mont? A cheste domande rispuindaran doman, ai 26 di Novembar, aes 5 e mieze in sale Ajace (place Libertà), trê continents diferents: Europe, Afriche e Asie par vie da lis testemoneancis di rapresentants di associazions o mediatôrs culturai. Invidadis dentri dal calendari di apontaments di “Passi Avanti”, di fat, a intervignaran la mediatore culturâl Hakiraj Najada e lis feminis de associazion par feminis…

Propueste di leç par promovi il dirit al zûc e al timp libar

E je stade consegnade îr ai conseîrs regjonâi Vincenzo Martines e Silvana Cremaschi la propueste di leç regjonâl su lis Normis par promovi il dirit al zûc, al sport di citadinance e al timp libar. La norme e je stade metude adun de Taule ludiche regjonâl e consegnade îr a palaç D’Aronco dal sindic, Furio Honsell, e di une rapresentance di aministradôrs locâi e di associazions dal teritori. A coordenà il lavôr e je stade la aministrazion comunâl. L’obietîf de…
1 2 3 4 5 108