Ai 14 di Març scree de Cjase des Feminis

Si scree doman vinars ai 14 di Març, in vie Pradamano 21, la Cjase des Feminis, la prime struture dute dedicade al univiers feminin che il Comun di Udin e la Comission pe paritât a àn metût sù inte capitâl furlane. Pe ocasion, inte suaze de manifestazion Calendidonna, al è in program un calendari siôr di apontaments che a tachin doman a cinc dopomisdì (17.00) e che a laran indenant par une disine di zornadis. La scree de Cjase des…

Ultime pontade televisive di “Udin par furlan”

L’ultin dai redazionâi televisîfs in program inte suaze dal progjet “Udin par furlan” al larà in onde su Telefriuli martars ai 3 di Dicembar a siet mancul un cuart sot sere (18.45) e in repliche miercus ai 4 di Dicembar a dîs e un cuart di gnot (22.15). La pontade e je dedicade aes manifestazions Premi Friûl e Musiche* che si son tignudis alì dal teatri Palamostre sabide 30 di Novembar e domenie prin di Dicembar cu la poie dal…

Sabide e Domenie, la gnove musiche furlane al Palamostre

Udin e devente par doi dîs la capitâl de musiche furlane. Cun di fat sabide ai 3 di Novembar a tacâ di 9 di sere, alì dal teatri Palamostre, si tignarà la finâl de edizion 2013 dal Premi Friûl, concors inmaneât di passe trente agns di Radio Onde Furlane. Il Premi, inmaneât cu la poie de Agjenzie Regjonâl pe Lenghe Furlane e dal Comun di Udin, al metarà a confront sîs formazions: Mataleao, Terenzio Blues Band, Aldo Sbadiglio e la…

Corot de Aministrazion pe muart di Federico Tavan

“Une muart che e colpìs il mont de leterature taliane e massime di chê furlane, ma o sperìn che la sô opare e puedi lâ dilunc a jessi valorizade parcè che la sô e jere une vôs dal popul sclete, la vôs di un om che al à savût mudâ une tragjedie personâl intune risorse par dute la coletivitât”. Chestis lis peraulis dal sindic, Furio Honsell, tal vignî a savê che usgnot passade al è mancjât il poete Federico Tavan.…

La Gnot Blancje dal vîf su Onde Furlane

Inte suaze dal progjet “Udin par furlan”, la Gnot Blancje di Udin e va in direte su Radio Onde Furlane. Cuntune postazion mobile alì dal teatri S. Zorç, la emitente e trasmet tra lis siet sot sere e lis nûf (19.00 – 21.00) vôs, intervistis e impressions sul event citadin, cence dismenteâ la musiche dal vîf. Tra i ospits l’assessôr Federico Pirone, il president di UdineIdea Gianni Croatto, il responsabil de Ludoteche Paolo Munini e diviers tra i operadôrs culturâi…

“Furlan in Comun” in rêt ancje cun gnovis e iniziativis

Di un pôcs di mês incà a Udin il furlan al è une lenghe “in Comun”. In graciis dal sportel linguistic “Furlan in Comun” la lenghe furlane e ven doprade di plui dal Comun tai siei rapuarts cui citadins e a jessi metude “in comun” tant che mieç di comunicazion, imprest di informazion e strument di dialic e partecipazion civiche. In cheste suaze il Sportel linguistic al à viert un so barcon inte rêt. Dentri dal sît internet dal Comun…

Udin par furlan, event dal vîf par Vicino / Lontano

Inte suaze dal progjet di comunicazion “Udin par furlan” al è in program ancje un event dal vîf leât ae manifestazion Vicino / Lontano che e je daûr a davuelzisi ta chestis zornadis. Sabide ai 11 di Mai tra 9.30 e 11.30 si varà di fat une direte su Radio Onde Furlane che e varà tant che lûc di emission il “Palazzo Contemporaneo”, o sei il spazi dentri dal palaç ex Upim recuperât tant che aree di culture a disposizion…

Disponibil il video di Udin par furlan al Far East

Il progjet di comunicazion par furlan dal Comun di Udin al previôt ancje la valorizazion de lenghe in sîs dai events principâi che a interessin la citât cun trasmissions in direte su Radio Onde Furlane, speciâi televisîfs e su la cjarte stampade. Il prin dai events cjapâts dentri dal progjet al è stât il Far East Film Festival. Il video produsût ta chê ocasion, za lât in onde su Telefriuli, al è cumò a disposizion ancje su chest sît. Par…

Ai 24 di Avrîl lis poesiis di Maria Forte in sale Ajace

Ai 24 di Avrîl a 6 sot sere in Sale Ajace a Udin, inte suaze dai “Dialoghi in Biblioteca” inmaneâts de Biblioteche Civiche e dal assessorât pe culture, cu la colaborazion de Comission paritât om e femine, e vignarà fate la presentazion dal libri ‘Vôs disdevore’ di Maria Forte, publicât de Associazion culturâl El Tomât tal 2012. I contignûts de publicazion a saran introdusûts di Laura Nicoloso Pitzalis che, a tacâ des poesiis metudis dongje tal libri, e slargjarà po…

Il Far East Film Festival ancje par furlan

Dai 19 ai 27 di Avrîl si davuelç la edizion numar 15 dal Far East Film Festival. Inte suaze di “Udin par furlan” – il progjet di comunicazion par furlan dal Comun di Udin – il plui grant festival european di cine asiatic al sarà contât ancje par furlan cun diretis, incursions, intervistis e aprofondiments trasmetûts su lis frecuencis di Radio Onde Furlane. Plui in detai, lis diretis si podaran scoltâ (sui 90.0 Mhz e vie streaming sul sît de…