“La Patrie dal Friûl” in abonament a scuelis e bibliotechis

Inte suaze des celebrazions dai 3 di Avrîl, zornade di istituzion dal Stât patriarcjin furlan, vuê a matine si è vude la prime consegne simboliche, inte scuele medie Fermi, de bande dai rapresentants de aministrazion comunâl, dal mensîl “La Patrie dal Friûl”. In graciis di un stanziament decidût de stesse aministrazion, in curt lis scuelis e lis bibliotechis a ricevaran il mensîl in abonament.

Presentâts i progjets par furlan dal Comun

Vuê di matine la aministrazion comunâl, rapresentade dal sindic Furio Honsell e dai assessôrs Kristian Franzil e Enrico Pizza, e à presentât lis sôs ativitâts par e pal furlan e, plui in detai, il progjet di comunicazion istituzionâl “Udin par furlan”, il servizi di sportel “Furlan in Comun” e la azion di slargjament de segnaletiche bilengâl. Un impegn, chel pe lenghe furlane, che il sindic i à tignût a marcâ ancje cu la decision di dedicâ a chest teme la…