Animâi dai circs, il Comun al fâs sôs lis liniis Cites

La Zonte comunâl e à fatis buinis lis liniis di indreçament pal tratament dai animâi intai circs e intes mostris itinerantis cussì cemût che a son stadis metudis jù de comission sientifiche Cites. Chestis liniis a judin lis aministrazions locâls a svilupâ un protocol operatîf di doprâ par dâ fûr lis autorizazions pes ativitâts circensis e par controlâ il rispiet des cundizions di salût dai animâi che chestis manifestazions a doprin. La assessore comunâl cun deleghe pai servizis veterinaris, Cinzia…

Model gnûf par finanziâ i intervents energjetics

Finanziâ i intervents pe eficience energjetiche cuntun font formât cui sparagn garantîts di chei stes intervents. Su la fonde di chest mecanisim virtuôs, il Comun di Udin si prepare a screâ un model gnûf di finanziament des oparis di manutenzion e di miorament energjetic dai imobii e dai spazis de citât. Il prin intervent pilote, che al tacarà a alimentâ il font, al inten la sostituzion di dutis lis lûs publichis dal parc della Rimembranza (viâl Diaz) cun tecnologjie Led.…

“Esercizi commerciali virtuosi”, i bogns esemplis udinês

Si siere la campagne “Esercizi commerciali virtuosi” che Legambiente e à inmaneât cu la poie dal Comun di Udin inte suaze dal Plan di azion pe energjie sostenibile cun chê di promovi e di slargjâ tal setôr terziari buinis pratichis intal sparagn energjetic. Trê i esemplis virtuôs cjatâts fûr di Legambiente, ven a dî l’hotel Ramandolo, la gjelatarie Fiordilatte e il supermarcjât Despar di vie Del Bon. Si trate di esemplis impuartants che si podaressin ancje slargjâ ta chei altris…

Ancje il Comun al aderìs ae “Earth Hour”

Dopo de partecipazion a “M’illumino di meno”, il Comun di Udin al aderìs ancje ae “Earth Hour” inmaneade a nivel internazionâl dal WWF. Compagn di altris citâts ator pal mont, ancje la capitâl furlane e vûl sensibilizâ i citadins sul sparagn energjetic e su la riduzion des emissions che a invelenin l’ambient là che o vivìn. Tant che segnâl di adesion ae iniziative, sabide ai 28 di Març di vot e mieze a nûf e mieze di sere (20.30 –…

Cui 24 di Març zûcs e novitâts alì dal Parc dal Cormôr

Une torate alte plui di 4 metris, niçui, sbris, une gjostre e tancj altris zûcs, ma ancje manutenzion e sistemazion des struturis e dal vert. Si trate di ce che il Comun al à fat par rindi simpri plui furnît e di atrat il parc dal Cormôr. Il dut cuntune spese di plui o mancul 130 mil euros. La scree uficiâl de gnove aree cui zûcs e dai intervents fats e je in program martars ai 24 di Març a…

Joibe e torne a dâsi dongje la “Taule a pedâi”

Un imprest di partecipazion par aministrazion e citadins che al à chê di sburtâ l’ûs de bici par miorâ i stîi di vite, ma ancje la cualitât ambientâl e l’atrat turistic. Al è l’intindiment de “Taule a pedâi” metude sù l’an passât par iniziative dai assessôrs pal sport, pe educazion e pai stîi di vite Raffaella Basana, pe mobilitât e pal ambient Enrico Pizza, e pal cumierç e pal turisim Alessandro Venanzi. Dopo dai prins mês dedicâts ai incuintris cui…

Vie libare de Zonte al regolament pal vert public

La Zonte comunâl e à fat bon il gnûf regolament pal ûs e pe gjestion des areis verdis publichis che al rivarà in curt in Comission teritori e ambient e po in Consei comunâl pe aprovazion definitive. Udin al è ai prins puescj a nivel talian par superficie medie di vert acessibile. Cun di fat, si fevele di passe 150 areis verdis furnidis e une vincjine no furnidis, 2 parcs naturâi, 14 zardins storics, plui di 50 areis verdis di…

Vinars scree “didatiche” pe cjase de aghe di vie Joppi

Scree didatiche doman, vinars ai 5 di Març a undis di matine (11.00), pe cjase de aghe di vie Joppi, alì dal parc machinis de biblioteche de Circoscrizion. Cun di fat, pe ocasion, a partecipâa saran ancje i arlêfs de scuele primarie Lea D’Orlandi che, in plui dal funzionament dal sisteme par purificâ la aghe, si ur spiegarà ancje i stîi di vite corets e i efiets positîfs pal ambient leâts al ûs de cjase de aghe. A fâur di…

Il “Banco lib(e)ro” al ponte a slargjâ il so servizi

350 mil volums metûts in circolazion in dîs agns, 41.611 vie pal 2014. A son lis cifris dal “Banco lib(e)ro” o sei un servizi di utilitât publiche che si fonde sul principi dal scambi libar e dal recupar des risorsis par tirâ dongje libris, enciclopediis e dizionaris, ma ancje rivistis e materiâi multimediâi, metûts po a disposizion de coletivitât sore nuie. Dopo vê finît i siei prins agns intal Dicembar stât, il Banc al ponte a incressi inmò di plui…

Progjet didatic sul ricicli alì de Valussi e de D’Orlandi

Al è stât firmât un acuardi sperimentâl tra il Comun di Udin, la Net, la associazion Animaimpresa e la societât di ristorazione Camst che al previôt di meti doi bidons dal compost alì de scuele secondarie di prin grât “Valussi” e de primarie “D’Orlandi”. L’intindiment al è chel di sensibilizâ i fruts su la riduzion des straçariis alimentârs e su la impuartance dal riciclâ inte gjestion des scovacis. Lis compostieris a coventaran massime par butâ ce che al vanze de…