Riorganizazion de polizie locâl

Al vie a tacâ dai 2 di Març ae riorganizazion dal Comant de Polizie locâl comunâl. Une rivoluzion che e à l’ obietîf di miorâ il nivel dai servizis pai citadins. 7 unitâts operativis gnovis dividudis par setôr di intervent, plui personâl difûr par controlâ il teritori e intervents plui svelts. A son chescj i apiets principâi dal plan di riorganizazion dal servizi presentât îr, lunis 23 di Fevrâr. Cu la organizazion gnove a saran ancje miorâts i servizis dai…

Cul 2016 a tacaran i lavôrs dal Pisus

Cul prin di Zenâr dal 2016 si tacaran a viodi i prins risultâts dai 3 milions di euros di fonts Pisus che la Regjon Friûl – Vignesie Julie i à concedût al Comun di Udin par ricualificâ il centri storic de citât. Fonts che il Comun al incressarà cuntun stanziament di un milion e 800 mil euros. Cuntun protocol di intese sotscrit ai 18 di Fevrâr tra Comun e Regjon, di fat, a son stâts fissâts i timps e lis…

Lis iniziativis par “M’illumino di meno”

Ancje chest an il Comun di Udin al aderìs ae campagne “M’illumino di meno”, inviade de trasmission di Radio2 “Caterpillar”, e vinars ai 13 di Fevrâr al distudarà, tra sîs e nûf di sere (18.00 – 21.00), lis lûs dal cjistiel e dai edificis dulintor. La iniziative, che e ponte a sensibilizâ i citadins su la impuartance dal sparagn energjetic, si insuaze intal program di azions di politiche energjetiche che il Comun al à inviât zaromai di agns. Chest an…

Fin vinars polvars lizêrs parsore dai limits

La Agjenzie Regjonâl pe Protezion dal Ambient e previôt fin a miezegnot dai 13 di Fevrâr un altri superament dal valôr massim pai polvars lizêrs. La Aministrazion comunâl e vise duncje che a saran in vore lis misuris previodudis dal Plan di azion comunâl par limitâ l’incuinament atmosferic. Duncje, in plui dal invît a limitâ l’ûs dai veicui privâts, si previôt l’oblic di sbassâ di 20 a 18 grâts lis temperaduris mediis intai edificis.

I risultâts de inchieste sul centri

Al à une etât medie sui 40 agns, al va in centri almancul 2 o 3 voltis par setemane massime par fâ une cjaminade, comprâ alc o lâ intun locâl. Par movisi al dopre plui di dut la bici o la machine che al lasse intai puescj dilunc de strade o tes struturis a paiament. I plasin i grancj events tant che Friuli Doc, Vicino/Lontano e il Far East, ma no i displasin nancje i marcjaduts. Al stime che Udin…

Ultins dîs par compilâ il cuistionari sul centri de citât

A son chestis lis ultimis oris buinis pe compilazion dal cuistionari sul centri de citât metût jù dal Comun par fâ une rilevazion su compuartaments e valutazions di citadins e operadôrs economics. Di fat al è timp fin a miercus ai 21 di Zenâr par pandi un parê sul sît www.comune.udine.it/indaginecentro2014. L’obietîf de ricercje, che e à tirât sù za passe mil cuistionaris compilâts, al è chel di rilevâ i compuartaments e lis preferencis su cemût movisi, tai acuiscj, tal…

Sierade la prime fase dal progjet “Panoptes”

Tacade tal passât mês di Lui a si è sierade la prime fase de mapadure dai implants privâts di videocontrol atîfs in citât. Cul progjet “Panoptes”, che al è il non de iniziative, il Comun al à puartât indenant un censiment dai sistemis privâts di videocontrol, ponts di riprese che a podaran jessi doprâts pal guvier de sigurece urbane e pes ativitâts di polizie judiziarie. Il risultât di cheste mapadure a rivuarde 320 telecjamaris privadis, presintis in 103 viis e…

Azions cuintri dal smaltiment abusîf des scovacis

169 personis identificadis, 115 veicui controlâts, 14 sanzions aministrativis dadis fûr e 3 denunciis presentadis: a son juste un pocjis des cifris plui significativis che a àn segnât la ativitât puartade indenant de polizie locâl di Udin tra il prin di Avrîl e i 31 di Dicembar dal 2014 par fâi cuintri a cui che al discjarie lis scovacis in maniere abusive. I dâts a son stâts presentâts vuê, miercus ai 14 di Zenâr, intune conference stampe tignude di rapresentants…

Si pues votâ Udin al concors “Comune partecipativo”

Ancje il Comun di Udin al partecipe al concors talian “Comune partecipativo” che si insuaze intal Salon de responsabilitât sociâl di imprese e de inovazion sociâl. Lu fâs cul progjet “Udine Greenways” che al è stât svilupât adun cui Comuns di Cjampfuarmit, Martignà, Pasian di Prât, Paulêt, Puçui, Tavagnà e Tresesin. Par votâ la iniziative furlane baste inviâ un tweet che al cjapi dentri i riferiments a @CSRIS_it @ConsorzioCIAL #compart #CSRIS14, il numar dal progjet, ven a dî il 9,…

Vuelis doprâts, un miâr di bussulots pe racuelte dâts fûr

A doi mês de partence de campagne inviade dal Comun e de Net pe racuelte dai vuelis vegjetâi doprâts, a son za plui di un miâr i bussulots dâts fûr pe racuelte. La iniziative e previôt la assegnazion in ûs gratuit ai citadins che ju domandin di passe 3.200 bussulots di 3 litris e mieç pal recupar dai vuelis vegjetâi doprâts in cjase par fâ di mangjâ. In dì di vuê a restin duncje disponibii ancjemò uns 2.000 bussulots. La…