Bariglarie / SP 15, tacât il cantîr par fâ sù la taronde

Un altri cantîr che al jere fer par vie dal pat di stabilitât si è sblocât ai 2 di Lui cu la consegne dai lavôrs. Si trate di meti in sigurece la crosere jenfri vie Bariglarie e la strade provinciâl 15 cul fâ sù al so puest une taronde. L’intervent al à a disposizion 200 mil euros, 80 mil di chescj metûts de Regjon, e al varà di sierâsi di 90 dîs. Intant dai lavôrs, chê trate di vie Bariglarie…

Lavôrs al Carnera, il Comun al fasarà ricors

Il Comun di Udin al fasarà ricors cuintri de sentence dal judiç dal tribunâl di Pordenon sul ricors fat indenant de dite Polese spa di Sacîl par no paiâ al Comun i passe 167 mil euros di fideiussion a garanzie dal completament dai lavôrs par slargjâ e meti in sest il palasport Carnera. Pe avocadure dal Comun a son i elements par domandâ il paiament de cifre, in plui dai dams che si domandaran cuntune altre procedure. Cun di fat,…

Inviât un plan di asfaltaduris su 24 stradis de citât

La Aministrazion comunâl e interven par tornâ a asfaltâ 24 stradis de citât. Il plan al jere stât fat bon ancjemò intal 2012, ma al jere restât blocât fin cumò par vie dal pat di stabilitât. Si trate di intervents che a varan un cost totâl di 850 mil euros e che a cjaparan dentri par intîr lis viis P.V. Ferrari, Bonini, Sbaiz, Magenta, Campoformido, Graonet e Lavariano, e in maniere parziâl i viâi Venezia, Tricesimo, Ledra e delle Ferriere,…

Partîts i ultins lavôrs par meti in sest il “Dal Dan”

Dentri de prime metât dal prossim mês l’implant sportîf “Luigi Dal Dan” di Padier al varà a disposizion dai camarins pai atletis ristruturâts di plante fûr. I lavôrs di manutenzion straordenarie a son stâts consegnâts vuê cu la presince dal sindic Furio Honsell. I intervents alì dal “Dal Dan” a àn za puartât a meti in sest la piste di atletiche e a fâ sù une piste par alenâsi cun jerbe artificiâl, une jentrade gnove, dôs struturis pai magazens e…

Gjestion cantîr in Zardin Grant joibe in Comission belanç

Il president de Comission comunâl pal belanç e pe programazion, Enrico D’Este, in cunvigne cul sindic, Furio Honsell, al à decidût di clamâ dongje par joibe ai 10 di Avrîl (17.30) une riunion de Comission stesse par discuti de esecuzion dal apalt par fâ sù il parc machinis sot tiere in Zardin Grant. Ae riunion a son stâts clamâts a partecipâ ancje Giovanni Paolo Businello e Pierluigi Pellegrini, president e diretôr gjenerâl de societât Sistema Sosta e Mobilità, la partecipade…

Si slargje la cabladure in fibre otiche de citât

Si pues descrivi tant che une vere autostrade digjitâl chê che il Comun al è daûr a meti in pîts cun Telecom Italia, o sei la cabladure in fibre otiche che e metarà sù la rêt Ngan (Next generation access network). “Dopo vê triplicât lis areis de citât cuvierzudis dal wi-fi public citadin – al spieghe l’assessôr pe inovazion, Gabriele Giacomini – cumò o lin a triplicâ ancje la velocitât che i citadins e lis impresis a podaran navigâ intal…

Autoparc in Zardin Grant, finide la prime part dai lavôrs

E je finide la prime part dai lavôrs par fâ sù il gnûf parc machinis sot tiere in Zardin Grant. Cun di fat îr la imprese Vidoni e à metût jù l’ultin dai 303 pâi che a fasaran di fonde al autoparc. Pal sindic, Furio Honsell, si trate di un passaç une vore impuartant par lâ indenant cuntun cantîr strategjic pe citât, ma ancje pe economie de citât e dal Friûl. Al è impuartant che a ledin indenant i lavôrs…

Cun lunis cantîr su viâl Cadore

Di lunis ai 28 di Otubar fintremai i 18 di Novembar la cjarezade Ovest di viâl Cadore e sarà tocjade di lavôrs di sgjâf par meti jù la gnove linie eletriche pal ospedâl. L’intervent al interessarà in particolâr la aree di soste dai veicui. La circolazion e sarà garantide, ma cuntune strete al dret dal cantîr. Par limitâ i disasis pal trafic i lavôrs alì de crosere cun vie Leonardo Da Vinci a saran fats inte zornade dal Prin di…

Cu la acuisizion di Friulenergie il Comun al jentre tal CAFC

La assemblee straordenarie dal CAFC (Consorzio per l’Acquedotto del Friuli Centrale) e à dite di sì ae acuisizion de bande dal Comun di Udin des cuotis di partecipazion de Amga inte societât Friulenergie. Une operazion che e permet di cjapâ dentri Friulenergie intal Consorzi in maniere che il Comun al deventi soci dal CAFC cuntune cuote di partecipazion dal 3,5%, e un cost di 3,159 milions di euros. Si va cussì a puartâ insom il passaç dal servizi idric de…