Lunis presentazion di “Far Sport – Oltre la Crisi”

Sburtâ la ativitât motorie tra fruts e fantats in un periodi di dificoltât economiche par cetantis fameis udinesis cun chê di promovi stîi di vite sans. Al è l’obietîf de iniziative “Far Sport – Oltre la Crisi” dal assessorât comunâl pal sport, pe educazion e pai stîi di vite. I detais de iniziative a saran presentâts intant di une conference stampe che si tignarà lunis ai 7 di Setembar a 11 intal salon dal popul di palaç D’Aronco.

Servizis scolastics, inmò timp pes domandis di amission

Il Comun al vise che al è ancjemò pussibil presentâ la domande di amission pai servizis comunâi di doposcuele, e di pre e post acet pal an scolastic 2015/2016. Fin ai 2 di Otubar lis fameis interessadis a podaran jentrâ intune liste di spiete che e sarà doprade vie pal an scolastic se cualchi frut za iscrit si tirarà indaûr o se al rinunziarà al puest.

Morositât “cence colpe”, si pues fâ domande di contribût

Il Comun al vise che cun vuê, alì dal Centri polifunzionâl di vie Micesio, si invie la racuelte des domandis di contribût par cui che, cence colpe, nol à podût paiâ l’afit. Cun di fat, la Zonte comunâl e à fate buine la publicazion dal bant di concors pai titolârs di un contrat di afit che a àn ricevût un avîs di sfrat par morositât. In plui di jessi residents in comun di Udin, par acedi ai contribûts al covente…

Friuli Doc, ultins dîs pes domandis par partecipâ

A mancjin aromai pocjis zornadis par presentâ la domande par partecipâ ae edizione XXI di Friuli Doc, la plui grande rassegne enogastronomiche regjonâl in program dai 10 ai 13 di Setembar. Il tiermin ultin pe presentazion des domandis al è chel di martars ai 14 di Lui. Presentâ domande però nol puarte a di une partecipazion automatiche, cun di fat, dentri di 30 dîs de scjadince, al sarà comunicât se la domande e à vût bon acet o pûr no.…

Lavôr di utilitât sociâl, a disposizion 25 puescj

A son 25 i puescj che il Comun di Udin al met a disposizion ancje chest an cun siet gnûfs progjets di lavôr di utilitât sociâl. Fintremai i 28 di Lui a podaran presentâ domande alì dal Centri pal implei di viâl Duodo i lavoradôrs residents in regjon che si cjatin in casse integrazion speciâl a zero oris, in mobilitât o che a gjoldin di un altri tratament speciâl di disocupazioe. Dai 25 puescj disponibii, ducj a timp plen par…

Font cuintri de crisi, fate buine la graduatorie

Il Comun al vise che e je stade fate buine la graduatorie definitive des personis ametudis al contribût comunâl pal “Font straordenari cuintri de crisi 2014”. Pal font il Comun al à metût a disposizion risorsis par un totâl di 500 mil euros. Ai servizis sociâi i son rivadis in dut 3.041 domandis, chês judicadis finanziabilis a son stadis 1.685. I beneficiaris a gjoldaran di un contribût “una tantum” di 250 euros che, in situazions particolârs di dificoltât sociâl o…

Servizis scolastics dal Comun, preiscrizions inmò viertis

A son ancjemò viertis lis iscrizions ai servizis scolastics dal Comun di Udin che, cun chest an, si puedin fâ ancje par vie telematiche di cualsisei postazion internet. Cun di fat, fin ai 7 di Avost, i gjenitôrs a puedin preiscrivi i lôr fîs ai servizis di ristorazion scolastiche intes scuelis de infanzie, primariis e secondariis di prin grât, ma ancje al doposcuele e al pre e post acet intes scuelis primariis. Baste lâ sul sît dal Comun, ae direzion…

Al cambie il doposcuele alì de “Via Divisione Julia”

Cul an scolastic 2015/16 al cambie il servizi di doposcuele alì de secondarie di prin grât “Via Divisione Julia”. Cun di fat, la ativitât gjestide in maniere direte dal Comune e larà indenant dome pai fruts za iscrits tal an scolastic a pene finît, intant che il servizi pai gnûfs iscrits al sarà dât in man ae associazion “Genitori Comunità Educante di Udine”. I students che a àn za gjoldût dal servizi e che a vuelin lâ dilunc a fâlu…

Sul sît dal Comun lis graduatoriis pai nîts

Il Comun al vise che, cun martars ai 16 di Jugn, a saran publicadis sul so sît istituzionâl (www.comune.udine.it) lis graduatoriis definitivis pe amission al servizi integrât dai nîts pe infanzie pal an2015/16. Ducj i gjenitôrs che ur è stât assegnât un puest intai nîts a varan, dentri de mieze (12.30) di vinars ai 19 di Jugn di dâ conferme de acetazion cuntune mail ae direzion di pueste eletroniche asilinido@comune.udine.it o di persone alì dai uficis di viâl Ungheria, 15…