“Far sport – Oltre la crisi”, 524 lis domandis rivadis

A son 524 lis domandis di contribût rivadis in Comun par vê acès ai fonts dal progjet “Far sport – Oltre la crisi”, la iniziative dal assessorât pal sport che e vûl judâ lis fameis in dificoltât cu lis spesis par iscrivi i fruts a di une ativitât sportive. Cuasi dutis, ven a dî 479, a son stadis fatis buinis e si dividaran i 57 mil euros metûts a disposizion dal Comun, di Amga Energia&Servizi e de Casse di Sparagn…

Novitâts te gjestion dai implants di balon circoscrizionâi

La Zonte comunâl e à fat bon vuê, martars prin di Dicembar, il stampon di convenzion pe concession in ûs e in gjestion dai implants di balon comunâl di interès circoscrizionâl, o sei il “G. Centazzo” di vie Joppi – vie della Roggia, il “B. Rigo” di vie Basiliano e chei di vie Barcis e in Cormôr Bas. Si trate di un model gnûf di gjestion che al à vût il vie libare ancje de FIGC e de Leghe dai…

Fin ai 3 di Dicembar lis candidaturis a “Giovani di Pre.gio”

Al è timp fin ai 3 di Dicembar par presentâ lis candidaturis al premi “Giovani di Pre.gio”, ricognossiment istituît chest an dal Comun par premiâ i fantats e lis fantatis pai risultâts in ambit scolastic, dal volontariât e dal sport. Tre a son lis categoriis dai ricognossiments. Une sezion e je indreçade ai zovins des scuelis secondariis di secont grât de citât. I dirigjents dai istitûts scolastic a puedin proponi i nons di un o doi arlêfs. Une altre sezion…

Propueste di leç par promovi il dirit al zûc e al timp libar

E je stade consegnade îr ai conseîrs regjonâi Vincenzo Martines e Silvana Cremaschi la propueste di leç regjonâl su lis Normis par promovi il dirit al zûc, al sport di citadinance e al timp libar. La norme e je stade metude adun de Taule ludiche regjonâl e consegnade îr a palaç D’Aronco dal sindic, Furio Honsell, e di une rapresentance di aministradôrs locâi e di associazions dal teritori. A coordenà il lavôr e je stade la aministrazion comunâl. L’obietîf de…

Lenghe proprie, l’Udin su lis olmis di Barcelone e Athletic

La societât Udinese Calcio, il Comun di Udin e la Agjenzie Regjonâl pe Lenghe Furlane a àn firmât un protocol di intese che al cres la presince dal furlan dentri e fûr dal stadi, tes azions di comunicazion ancje visive de societât, tes ativitâts di animazion e di fidelizazion dai tifôs. L’acuardi – firmât dal president dal Udin Franco Soldati, dal sindic Furio Honsell e dal president de ARLeF Lorenzo Fabbro – al rapresente une azion impuartante di ricognossiment e…

Domandis par “Far sport – Oltre la crisi” fin ai 31 di Otubar

Al è ancjemò qualchi dî par presentâ domande par il contribût comunâl “Far sport – Oltre la crisi”. Scjadarà, difat, ai 31 di Otubar il termin par presentâ li domandis par un contribût economic dal 50% e fin a di un massim di 150 euros, par cuvierzi lis spesis che lis fameis a varan par iscrivi i fîs a une dissipline sportive dilunc vie dal an scolastic 2015-2016. Il benefici, che al sarà dât fûr fintremai che no saran finîts…

Dedicade a Provino e Gino Valle la Zornade dal cjaminâ

E sarà dedicade ai architets Provino e Gino Valle e ae lôr ereditât architetoniche la cuarte edizion de Zornade dal cjaminâ in program domenie ai 11 di Otubar. L’apontament, che si invie a nûf e mieze di buinore (9.30), al à tant che sît di partence e di rivade il parc Moretti. Ancje chest an, di fat, la Aministrazion comunâl e à decidût di aderî ae iniziative che e met adun sport e moviment cun parcs, storie e art. Il…

Iscrizions inmò viertis pai cors di ativitât motorie

La aministrazion comunâl e vise che a son viertis fin ai 30 di Setembar lis iscrizions ai cors di ativitât motorie dolce, che si davuelzaran de fin dal mês fin ai 22 di Dicembar. I cors a son indreçâts a adults e anzians e si davuelzaran dôs voltis a setemane in 8 palestris comunâls: Zardini in vie Padova, SanDomenico in vie Massaua, Carducci in viâl Tricesimo, Vecchaitto in vie San Pietro, Zorutti in vie XXX Otobre, 4 Novembre in vie…