Lenghe proprie, l’Udin su lis olmis di Barcelone e Athletic

La societât Udinese Calcio, il Comun di Udin e la Agjenzie Regjonâl pe Lenghe Furlane a àn firmât un protocol di intese che al cres la presince dal furlan dentri e fûr dal stadi, tes azions di comunicazion ancje visive de societât, tes ativitâts di animazion e di fidelizazion dai tifôs. L’acuardi – firmât dal president dal Udin Franco Soldati, dal sindic Furio Honsell e dal president de ARLeF Lorenzo Fabbro – al rapresente une azion impuartante di ricognossiment e…

Joibe secont apontament di “Par furlan ator par Udin”

“Par furlan ator par Udin” al va indenant cuntun altri incuintri dedicât ae leterature furlane contemporanie. Dopo de scree dai 5 di Jugn cu la presentazion dal numar 25 de riviste leterarie “La Comugne”, la manifestazion inmaneade dal Sportel pe lenghe furlane dal Comun di Udin e propon, joibe ai 18 di Jugn a sîs sot sere (18.00) inte sale Corgnali de “Joppi”, une sorte di zimulament cul plui impuartant concors leterari par furlan, o sei il Premi S. Simon.…

Si invie vinars la iniziative “Par furlan ator par Udin”

Cul prin apontament in program vinars ai 5 di Jugn a sîs sot sere (18.00) te sale Corgnali de biblioteche civiche “Joppi”, la Aministrazion comunâl e scree “Par furlan ator par Udin”, un gnûf cicli di iniziativis inmaneât dal Sportel pe lenghe furlane dal Comun di Udin dedicât ae promozion dal furlan cu la presentazion di libris, audiovisîfs, materiâi multimediâi e incuintris a teme. Il calendari de manifestazion si vierç cu la presentazion de riviste leterarie “La Comugne” editade de…

Udin par Furlan a Friuli Doc

Dentri dal progjet integrât di comunicazion istituzionâl in lenghe furlane fat de cooperative Informazione Friulana pal Comun, la manifestazion enogastronomiche Friuli Doc e sarà contade in direte di vinars 12 a domenie 14 di Setembar su lis frecuencis di Radio Onde Furlane (90 Mhz te plui part dal Friûl; 90.2 e 106.5 in Cjargne; 96.6 a Colonia Caroya in Argjentine; in dut il mont in streaming ae direzion www.ondefurlane.eu) e sul sît www.ondefurlane.eu, cun trasmissions di pueste che a vignaran…

Manifescj pai 25 di Avrîl in lenghe furlane

Pe prime volte i manifescj dal Comun di Udin in ocasion dai 25 di Avrîl, fieste de Liberazion dal nazifassisim, a saran ancje in lenghe furlane. Il motîf de sielte al è stât sclarît dal sindic, Furio Honsell, che al ricuarde cemût che il furlan e sedi stade la lenghe de Resistence e al è duncje just celebrâle ancje in marilenghe. A chest si zonte la decision cjapade de Zonte comunâl di meti 21 coronis in ancjetancj lûcs de citât,…

Iniziativis pe Fieste de Patrie dal Friûl

“Friûl 2014. la Fieste de Patrie a Udin” al è il program di iniziativis metudis adun de bande dal Comun, in ocasion de “Fieste de Patrie dal Friûl”, cun chê di memoreâ cheste ricorence e di ufrî oportunitâts di cognossince e di riflession sul Friûl di vuê. Dopo de scree, miercus ai 26 di Març cu la presentazion dal libri “Paîs cun figures” di Umberto Valentinis, joibe ai 3 di Avrîl a son doi apontaments di no pierdi. A trê…

Gnûf apontament cun Udin par furlan su Telefriuli

Il servizi televisîf su la viertidure uficiâl de Cjase des Feminis, che al fâs part dal progjet di comunicazion in lenghe furlane dal Comun di Udin, al larà in onde su Telefriuli martars a 6 e 45 sot sere (18.45) e in repliche miercus a 8 e 50 di sere (20.50). Il video al sarà ancje zontât a chei altris za fats dentri di Udin par furlan e che si cjatin da pît de prime pagjine di chest sît.