Decidude la gnove toponomastiche citadine

La Zonte comunâl su propueste de Comission Toponomastiche dal Comun e à decidût vuê, martars ai 15 di Dicembar, cualchi non gnûf pe viabilitât citadine. “O vin chê di dedicâ dute la aree dal gnûf terminal pai students – e spieghe la assessore Antonella Nonino – a personis che a puedin jessi di esempli par chei cetancj fantats che a passaran par li”. Il plaçâl logât su la crosere cu lis viis Giovanni Martini e Ragogna e cu la gnove…

Novitâts te gjestion dai implants di balon circoscrizionâi

La Zonte comunâl e à fat bon vuê, martars prin di Dicembar, il stampon di convenzion pe concession in ûs e in gjestion dai implants di balon comunâl di interès circoscrizionâl, o sei il “G. Centazzo” di vie Joppi – vie della Roggia, il “B. Rigo” di vie Basiliano e chei di vie Barcis e in Cormôr Bas. Si trate di un model gnûf di gjestion che al à vût il vie libare ancje de FIGC e de Leghe dai…

Finîts i lavôrs alì dal parc della Rimembranza

Cul meti jù 28 ponts lûs a Led il Comun al à puartât insom ta chestis zornadis il gnûf sisteme di iluminazion publiche dal parc della Rimembranza di viâl Diaz. L’intervento, afidât a AcegasApsAmga, al à vût une spese tor dai 77 mil euros . In plui dai lavôrs dentri dal parc si son zontâts chei su la jentrade ae aree verde di plaçâl Del Din che a àn permetût di restaurâ il prât origjinari.

Partîts i lavôrs pe strade tra lis viis Molin Nuovo e Biella

Ai 16 di Novembar a son partîts i lavôrs pe gnove strade che e larà a peâ lis viis Molin Nuovo e Biella scjavaçant la aree là che a jerin lis Officine Bertoli. Si trate di une opare che e varà un cost di sù par jù 1 milion di euros. Cun cheste strade si larà a completâ il sisteme viari de aree Nord Est di Udin ancje cul obietîf di slizerî il trafic che cumò al pese su Padier…

Plan par ricualificâ e par meti in sigurece i viâi citadins

La Zonte comunâl e à fat bon un gnûf plan par ricualificâ e par meti in sigurece lis viis plui impuartantis de citât che al pues fâ stât suntune disponibilitât di 1 milion e 120 mil euros. Il progjet dai intervents, prontât dal servizi mobilitât dal Comun, al previôt di tornâ a meti jù l’asfalt sui viâi Trieste e XXIII Marzo. In vie Cividale si tornarà a asfaltâ la trate jenfri plaçâl Oberdan e vie Fruch, intant che su viâl…

Distribuzion dal gas, fûr il bant pe concession dal servizi

Al è fûr sul sît dal Comun (www.comune.udine.it) il bant par afidâ in concession il servizi di distribuzion dal gas naturâl che al restarà viert fintremai i 4 di Lui dal 2016 e che al previôt un impuart di cuasi 130 milions di euros. L’afidament al rivuarde la concession dal servizi public di distribuzion di gas naturâl intai comuns di Basilian, Buri, Cjampfuarmit, Codroip, Flaiban, Listize, Manzan, Martignà, Merêt di Tombe, Mortean, Pagnà, Pasian di Prât, Pavie, Pradaman, Premariâs, Puçûi,…

Permutazion di bens tra Comun e Agjenzie dal Demani

La Agjenzie dal Demani, il Comun e il Ministeri dal Interni a àn sotscrit un protocol di intese pe permutazion di imobii publics a Udin. L’at al è stât firmât dal responsabil de direzion regjonâl de Agjenzie Pierluigi Di Blasio, dal sindic Furio Honsell, e dal prefet Vittorio Zappalorto. L’acuardi al previôt che il Stât i dedi in proprietât al Comun di Udin la caserme Friuli di vie Pastrengo, il magazen idraulic di viâl Trieste e la braide sperimentâl di…

Intese par ativâ il servizi in fibre otiche fin a 100 Mbps

Il Comun di Udin e Vodafone Italia a comunichin la ativazion dal prin servizi in fibre otiche cun velocitât fin a 100 Mbps. A vuê la fibre otiche e tocje za uns 30% de popolazion citadine e cumò, in gracie di un invistiment di 6 milions di euros, Vodafone e previôt di completâ dentri dal Otubar dal 2015 la cuvierzidure de citât cu la rêt fisse di ultime gjenerazion fin a 100 Mbps in download e 20Mbps in upload. Citadins,…

Cul prin di Lui si inviin i lavôrs su vie Grazzano

Si inviaran miercus prin di Lui i lavôrs par fâ sù la piste ciclopedonâl e par tornâ a pavimentâ vie Grazzano. Il progjet, che si insuaze intal PISUS, al à un cost totâl di 210 mil euros che pe plui part, ven a dî 149 mil, a rivin de Regjon par mieç di fonts europeans. A son ducj di divignince comunâl invezit i 70 mil euros par tornâ a pavimentâ la strade. L’intervent al permetarà di zontâ la ciclabile che…

Si slargje la rêt dal teleriscjaldament

Si slargje in citât la rêt dal teleriscjaldament. L’assessôr comunâl pal ambient e pe mobilitât, Enrico Pizza, al à visât che in curt si inviaran i lavôrs par meti jù la rêt ancje in vie Cicogna. Dopo vê finît l’intervent e vê ativât il servizi in vie Tiberio Deciani fin li de scuele Ellero, i residents de laterâl a àn domandât di podê leâ al servizi di teleriscjaldament ancje lis lôr cjasis. I lavôrs su vie Cicogna a tacaran cui…