Decidude la gnove toponomastiche citadine

La Zonte comunâl su propueste de Comission Toponomastiche dal Comun e à decidût vuê, martars ai 15 di Dicembar, cualchi non gnûf pe viabilitât citadine. “O vin chê di dedicâ dute la aree dal gnûf terminal pai students – e spieghe la assessore Antonella Nonino – a personis che a puedin jessi di esempli par chei cetancj fantats che a passaran par li”. Il plaçâl logât su la crosere cu lis viis Giovanni Martini e Ragogna e cu la gnove trate stradâl che e puarte su viâl Nogara si clamarà “plaçâl Gina Marpillero”. Il plaçâl logâl cu lis viis della Faula, Galileo Galilei e Quarto al sarà invezit dedicât a “Falcone, Borsellino e vittime della mafia”. Ae neurolighe e premi Nobel Rita Levi Montalcini i sarà dedicât il plaçâl su la crosere tra vie della Faula e viâl Cadore. Le aree verde di vie Parma e sarà invezit intitulade a “Luigi Candoni”. Cun di plui si varà une variazion grafiche par comedâ il cognon di pre “Emilio De Roja” intal plaçâl che al cjape il so non. Une altre mende e rivuarde invezit i cartei stradâi di vie “Riccardo Di Giusto”, là che si zontarà la specifiche “nato Riccardo Giusto 1895 – 1915”.