Ai 26 di Novembar la conference “Passi nel mondo”

Cemût vegnie vivude la Zornade internazionâl par la eliminazion de violence su lis feminis intal rest dal mont? A cheste domande rispuindaran doman, ai 26 di Novembar, aes 5 e mieze in sale Ajace (place Libertà), trê continents diferents: Europe, Afriche e Asie par vie da lis testemoneancis di rapresentants di associazions o mediatôrs culturai. Invidadis dentri dal calendari di apontaments di “Passi Avanti”, di fat, a intervignaran la mediatore culturâl Hakiraj Najada e lis feminis de associazion par feminis…

Seconde edizion di “Con rispetto parlando”

Inte suaze des iniziativis pe Zornade internazionâl par eliminâ la violence cuintri des feminis, il Comun, intune cun altris realtâts dal teritori, al à ancje decidût di rilançâ la seconde edizion di “Con rispetto parlando”, il program tacât intal 2014 par inviâ i students des secondariis di prin grât suntun troi indreçât a fâi cjapâ sù plui competencis e plui responsabilitâts intal rispiet dal altri. Dopo che tal an scolastic passât si veve frontât il teme de prevenzion de violence…

25 di Novembar cuintri de violence su lis feminis

Inte suaze dai events pe Zornade Internazionâl cuintri de violence su lis feminis, la aministrazion comunâl adun cu la Comission Pari Oportunitât, l’assessorât pe Salût, l’Ospedâl, la Universitât, la Cooperative Aracon e Lis Feminis Resistentis di Udin a inmanein une zornade par sclarî ducj insiemi “vonde violence!” Cuntune dediche speciâl a Paola Schiratti, te zornade dai 25 di Novembar di davuelzaran diviers moments par fâ une riflession su la tutele des feminis. Si tacarà aes 9 mancul un cuart in…

Cuintri de violence di gjenar al torne “Passi avanti”

Il Comun di Udin, intune cu la Comission pe paritât tra om e femine, al à inmaneât inmò une volte la iniziative “Passi avanti” che e met adun un program siôr di apontaments dedicâts ae Zornade internazionâl pe eliminazion de violence cuintri des feminis che e cole ai 25 di Novembar. Il calendari de iniziative, che si invie sabide ai 21 di Novembar, al previôt incuintris, cunvignis, presentazions, mostris, spetacui, events musicâi e altris apontaments svilupâts in gracie de colaborazion…

Al vie sabide aes ativitâts de Cjase des feminis

Al vie sabide ai 26 di Setembar, a 17.30, aes ativitâts inmaneadis de Cjase des feminis. Il program dai events dai mês di Setembar e di Otubar al tache sabide cu la “Fieste de Sierade” e la presentazion dal sît gnûf www.casadelledonne.it. Lis ativitâts a laran indenant miercus ai 30 di Setembar, a 18 cu la proiezion dal film “E se vivessimo tutti insieme?” e dal libri “Il fattore X”. Joibe prin di Otubar di 18.30 a 20.30 al è…

Alì de Cjase des Feminis si invie “Womens’ Talents”

Inte suaze di UdinEstate a tornin i events aperitîf alì de Cjase des Feminis che chest an i darà spazi ae creativitât cu la iniziative “Womens’ Talents”. I apontaments previodûts a son trê – ai 9, ai 16 e ai 23 di Lui – e a tacaran ducj a sîs e mieze sot sere (18.30) intai locâi di vie Pradamano 21. La idee e je chê di promovi une gare divertente là che feminis di dutis lis etâts a podaran…

Gnûf apontament ae Cjase des Feminis

La Cjase des Feminis a ospite usgnot a tacâ des 6 sot sere, alì de sede di Vie Pradamano 21, un incuintri inmaneât de Union Sindicâl Teritoriâl Cisl e de Associazion taliane “Oltre le Frontiere”. Il teme dal incuintri al sarà la condivision dai dâts e des esperiencis dal sportel “Punto d’ascolto”, progjet metût adun par furnî supuart a ducj chei che a patissin violencis dentri cjase e sul puest di vore. Ae serade a saran presintis Marina Ellero, responsabile…

Iscrizions vierts pal cors “Tablet di base” pes feminis

Viodude la gruesse partecipazion che si à vude fin cumò, la Cjase des Feminis e je pronte par partî cuntun altri cors di alfabetizazion digjitâl pes feminis. Cun di fat, a son viertis lis iscrizions ai cors gratuits di “Tablet di base” inmaneâts de Comission comunâl pe paritât e de associazion “SeNonOraQuando?”. Lis lezions, che a son in program vie pal mês di Lui, si davuelzaran alì de Cjase des Feminis, in vie Pradamano 21. Par partecipâ al covente iscrivisi…

Indenant cu lis ativitâts alì de Cjase des feminis

A van indenant lis ativitâts e lis iniziativis inmaneadis de Cjase des feminis. Al tache cheste setemane il cors “Ascoltandosi narrare. La comunicazione consapevole”. Il prin apontament al è in program doman, miecrus ai 27 di Mai A 18, inte sede di vie Pradamano 21. Il cors al previôt une serie di 5 incuintris, ducj sore nuie, simpri il miercus di 18 a 20, fin a 24 di Jugn. Par notâsi si à di mandâ une email ae direzion casadelledonne@comune.udine.it

Cors pes feminis par imparâ a doprâ internet e tablet

A van indenant i cors pes feminis cun plui di 65 agns par imparà a doprâ internet e tablet inmaneâts de Comission pe paritât dal Comun, adun cu la associazion “SeNonOraQuando” e la FederAnziani. I cors a son sore nuie e a son indreçâts ancje a lis feminis no residentis intal Comun e si davuelzaran ae Cjase des feminis in vie Pradamano 21 miercus ai 3 e joibe ai 11 di Jugn la matine, di 9.30 a 12.30 e martars…