Ai 26 di Novembar la conference “Passi nel mondo”

Cemût vegnie vivude la Zornade internazionâl par la eliminazion de violence su lis feminis intal rest dal mont? A cheste domande rispuindaran doman, ai 26 di Novembar, aes 5 e mieze in sale Ajace (place Libertà), trê continents diferents: Europe, Afriche e Asie par vie da lis testemoneancis di rapresentants di associazions o mediatôrs culturai.
Invidadis dentri dal calendari di apontaments di “Passi Avanti”, di fat, a intervignaran la mediatore culturâl Hakiraj Najada e lis feminis de associazion par feminis “La Tela” par fevelâ di Albanie, la mediatore culturâl Awa Diallo Kane e la Associazion Mediatôrs Comunitât Onlus par contâ di “donne, violenza e Africa” e, par finî, Mrs Subitha Tomas, rapresentante de delegazion indiane in visite in citât in chescj dîs in gracie de colaborazion de associazion Women International Onlus.
L’ingrès al è sore nuie fin al finî dai puescj disponibii.