Vandalisim te Loze dal Lionel, si cressaran i controi

“La polizie locâl e je daûr a visionâ lis imagjins regjistradis des telecjamaris e se a saran cjatâts fûr i vandai si proviodarà daurman par che a sedin clamâts a paiâ i coscj che il Comun, e duncje i citadins, al à su lis spalis par netâ”. Chestis lis peraulis a bote cjalde dal sindic Furio Honsell dopo che une gnove scrite e je saltade fûr su la façade de Loze dal Lionel. Magari cussì no, no je la prime…

Gnovis incarghis pal assessôr Giacomini

Il sindic Furio Honsell al à decidût di integrâ lis incarghis assegnadis al assessôr comunâl pe inovazion e pal svilup economic Gabriele Giacomini cul control de gjestion e de programazion strategjiche che fin cumò e jere tes mans dal prin citadin, e cu la gjestion dal “Informagiovani” e des politichis zovanîls par inovazion, svilup economic e lavôr che a jerin prime assegnadis ae assessore pe educazion, pal sport e pai stîi di vite Raffaella Basana.

UTI dal Friûl Centrâl, nuie di fâ pe aprovazion dal statût

“O speri che si superi cheste fuarte oposizion politiche su la leç par vie che, par ce che si à viodût, il statût nol è stât criticât di nissun dai sindics; o speri duncje che in curt si puedi tacâ a lavorâ, se di no al sarà une vore dificil di rispietâ lis scjadincis par chês altris ativitâts de UTI”. Al è il coment dal sindic di Udin, Furio Honsell, sopo che ancje vuê no si à rivât a fâ…

Protocol par infuartî i controi antimafie

Infuartî i controi antimafie par prevignî lis infiltrazions criminâls e sigurâ la tutele de legalitât e de trasparence inte suaze dai apalts publics. Al è l’intindiment dal protocol sotscrit vuê, lunis ai 6 di Lui, dal Comun e de Prefeture di Udin, presincj ancje il cuestôr e i comandants provinciâi de Vuardie di finance e dai carabinîrs. “Udin – al spieghe il sindic Furio Honsell – al è tra i prins Comuns dal stât talian a aderî a chest protocol…

Dispatriâts, incuintri in Comun cul viceministri Bubbico

“Il probleme dal acet dai dispatriâts che a domandin asîl e che a rivin inte nestre regjon vie tiere al à di jessi frontât a nivel statâl. Lu vevi za segnalât in audizion denant de Comission Schengen e lu ai tornât a dî al viceministri Bubbico, che i ai agrât pal so interessament. Intai ultins 18 mês, Udin al è stât obleât a gjestî ogni mês une emergjence par podêi dâ acet al flus continuât di dispatriâts rivâts in citât…

Honsell su Hera, il control al restarà public

“O ai cjapât at dal fat che lis propuestis di modifiche dal statût che nus son stadis proponudis a mantegnin il control public e a difindin Hera di cualsisei tentatîf di scjalade de bande di privâts. Par chel che al rivuarde Udin o confermi che no je nissune intenzion di vendi cuotis di Hera”. A son lis peraulis dal sindic di Udin, Furio Honsell, dopo di un incuintri cu lis rapresentancis sindacâls Filctem Cgil, Femca Cisl e Uiltec Uil che…

Isee, ancje il Comun al domande di slungjâ i timps

“Lis dificoltâts e i ralentaments burocratics che a divegnin dal gnûf Isee a domandin che la Regjon e intervegni daurman par spostâ plui indenant lis scjadincis des prestazions leadis al possès di cheste certificazion”. Chest l’invît che il sindic di Udin, Furio Honsell, al à indreçât ae Aministrazion regjonâl ae fin dal incuintri cui responsabii dai Caf des organizazions sindacâlsche si è tignût ai 8 di Avrîl a palaç D’aronco. La situazion e je pardabon grivie cui centris di assistence…

Preocupazion pe fin dai lavôrs di utilitât sociâl

Cirî fûr imprescj gnûfs par cjatâ une ocupazion par cui che nol gjolt plui o al è par pierdi un amortizadôr sociâl e che nol jentre ta chês categoriis che a àn acès ai lavôrs di utilitât publiche. Al è ce che il Comun di Udin i domande ae Regjon cuntune letare che il sindic Furio Honsell al à sotscrit intant di une riunion cui rapresentants di CGIL, CISL e UIL e là che al à partecipât ancje l’assessôr pe…

Sorelûc tal parc machinis sot tiere di Zardin Grant

Vuê, lunis ai 2 di Març, il sindic Furio Honsell al à fat un sorelûc alì dal cantîr pe costruzion dal gnûf parc machinis sot tiere di Zardin Grant. A compagnâlu il president di SSM Giovanni Paolo Businello, il responsabil dal progjet Pierluigi Pellegrini, il dirigjent comunâl Marco Disnan, e il diretôr dal cantîr Roberto Mattiussi. In mert ai timps dai lavôrs, la imprese e à sigurât che pai 20 di Març ducj i fabricâts a saran metûts jù e…