Consegnâts i lavôrs par slargjâ la Fruch

Superâts i problemis leâts al pat di stabilitât e a cualchi criticitât di nature burocratiche, a son stâts consegnâts miercus ai 11 di Novembar i lavôrs par ristruturâ e par slargjâ la scuele primarie Fruch dai Riçs. Il progjet, là che la Aministrazion comunâl e à metût un milion e 250 mil euros, al permetarà di dopleâ i spazis a disposizion de struture scolastiche. Si previôt di fâ sù un edifici gnûf che al sarà svilupât su doi plans cun…

Lavôrs par meti a puest la palestre de Manzoni

A son tacâts vuê, lunis ai 2 di Novembar, i lavôrs di ristruturazion de palestre de scuele secondarie di prin grât di place Garibaldi, intal complès “Manzoni-Stringher”, intervents che a permetaran di doprâ la vecje palestre des scuelis pe ativitât di zûc, pe didatiche, par alenaments e pe pratiche de bale a svol. Dut chest in gracie di une gnove pavimentazion omologade pe Fiba, de sostituzion di ducj i sieraments daûr des diretivis de sorintendence e de ricualificazion energjetiche dal…

Novitâts par mudâ la destinazion des areis edificabilis

Cul mudament des cundizions dal sisteme economic e dal sisteme fiscâl su lis areis edificabilis a son simpri di plui lis personis che a domandin al Comun di gjavâ la edificabilitât su chei terens che no intindin plui edificâ. A front di cheste situazion, la Zonte comunâl e à fatis buinis vuê, martars ai 27 di Otubar, lis liniis di indreçament par cjapâ sù e par stazâ lis domandis di riclassificazion des areis edificabilis fatis indenant dai citadins. La intenzion…

Comun e Ater adun par ricualificâ spazis a S. Svualt

Promovi progjets di ricualificazion e di riconversion funzionâl di spazis e di edificis dal cuartîr di Sant Svualt. Cun chest obietîf ancje il Comun di Udin al parteciparà, adun cu la Ater, ae taule su la rigjenerazion creative promovude de Associazion dai Comuns a nivel talian. Cu la sô adesion la Ater si rint disponibile a valutâ progjets di ricualificazion e di riconversion di ciertis struturis dal cuartîr par dâi acet a iniziativis di promozion de creativitât zovanîl. Si trate…

Lavôrs di ristruturazion al palasport Carnera

A son tornâts a tacâ i lavôrs di ristruturazion dal palasport Carnera. I intervents a saran fats de dite Riccesi di Triest e a varessin di lâ indenant par su par jù 200 dîs. Pai lavôrs la aministrazion comunâl e spindarà 2 milions e 300 mil euros. Ae fin dai intervents il palaçut dal sport gnûf cun 3 il puescj al sarà a disposizion des societâts sportivis ma ancje par organizâ concierts o spetacui. La aministrazion comunâl e veve inviât…

In curt i lavôrs par sistemâ lis pieris di place S. Jacum

In curt a saran tornadis a sistemâ lis pieris che si son distacadis di place S. Jacum. Dopo che la Sorintendence e à fat bon il progjet presentât dal Comun – al à spiegât il sindic, Furio Honsell Honsell – i uficis comunâi a àn inviât la procedure di gare par assegnâ i lavôrs. L’intervent al varès duncje di podê tacâ ca di pôc.

Sorelûc ae Garzoni, par inviâ daurman la manutenzion

Par permeti di fâ dai esams tecnics intes aulis dal prin plan de scuele primarie Garzoni, vuê un pocjis di classis a son stadis spostadis in vie temporanie in altris parts dal edifici e inte scuele Valussi li dongje. Il stes – e à dite la assessore comunâl pe educazion, Raffaella Basana – al sucedarà ancje doman, vinars ai 19 di Dicembar. I tecnics dal Comun a àn di fat decidût di anticipâ i lavôrs di manutenzion straordenarie za finanziâts…

Finîts i lavôrs ae viabilitât in viâl Monsignor Nogara

A son finîts i lavôrs par meti in sigurece la viabilitât, inte aree dal istitût Stringher, in viâl Monsignor Nogara. Lu à fat savê la aministrazion comunâl. I intervents a son stâts fats dal Comun, cuntune spese di 36 mil euros. Cheste setemane a saran finîts ancje i lavôrs di manutenzion de segnaletiche stradâl.      

Eficience energjetiche, vinars cors pai Comuns

Dai intervents par vê implants di lûs publiche a led ae sostituzion des cjalderiis intes struturis comunâls, de ricualificazion dai infìs ae metude in vore di panei solârs: a son dome un pocjis des oparis che a àn chê di miorâ la eficience energjetiche e che a puedin permeti ai Comuns di otignî incentîfs economics. Propit par cognossi plui a fonts chest teme il Comun di Udin al promôf par vinars ai 9 di Mai, di nûf di matine a…

Sierade la prime part dai lavôrs inte ex caserme Osoppo

Si è sierade la prime part dai lavôrs di recupar de ex caserme Osoppo. L’intervent al à cjapât dentri la palacine di vie Brigata Re che in curt e deventarà la “cjase des associazions”. Pai lavôrs a son stâts spindûts 700 mil euros. Intal detai: a son stâts metûts in sest ducj i doi plans dal edifici che si slargje suntune superficie di un miâr di metris cuadris. Lis associazions a varan a disposizion une cuarantine di salis. In curt…