Novitâts par mudâ la destinazion des areis edificabilis

Cul mudament des cundizions dal sisteme economic e dal sisteme fiscâl su lis areis edificabilis a son simpri di plui lis personis che a domandin al Comun di gjavâ la edificabilitât su chei terens che no intindin plui edificâ. A front di cheste situazion, la Zonte comunâl e à fatis buinis vuê, martars ai 27 di Otubar, lis liniis di indreçament par cjapâ sù e par stazâ lis domandis di riclassificazion des areis edificabilis fatis indenant dai citadins. La intenzion dal Comun, duncje, e je di imbastî un percors partecipatîf par mieç di un avîs public che al sarà publicât in curt sul sît internet de Aministrazion. Cui che al è interessât al varà la pussibilitât di presentâ di presentâ in maniere formâl la sô domande che il Comun si impegne po a esaminâ par dâ fûr une propueste di modifiche dal Plan regoladôr che al tegni cont di chestis indicazions.