Pedane provisorie pai disabii in Place Sant Jacum

A tacâ dal dopomisdì di vinars ai 11 di Dicembar lis personis disabilis e i gjenitôrs cun fruts e cjaruç a si cjataran une pedane provisorie par podê lâ sul plateatic di Place Sant Jacum e visitâ il Marcjât di Nadâl. La notizie a je rivade dal assessôr pes Ativitâts Produtivis e Turisim Alessandro Venanzi, daspò di vê vût la valutazion positive de bande de sorintendence. Il probleme dal acès ai disabii sul plateatic nol è gnûf pe aministrazion comunâl:…

Viâl della Vittoria al torne a vierzi intai doi sens

Cul prin di Dicembar, in gracie dal strenzisi dal cantîr in Zardin Grant, viâl della Vittoria al torne a vierzi al passaç dai veicui in dutis lis dôs direzions di marcje. Un tant al larà duncje a facilitâ l’acès al centri storic dilunc des fiestis di Nadâl. La misure e restarà in vore par uns doi mês, ven a dî fintremai che no larà a lavorâ su lis viis par jentrâ intal gnûf autoparc sot tiere.

E cres la colaborazion tra Confcumierç, SSM e Comun

In plui di dâsi dongje par planificâ la soste intant des domeniis di Dicembar, Confcumierç, SSM e Comun a lavorin adun par condividi lis informazions sui cantîrs in citât. Un tant al diven de riunion che si è tignude vuê di matine tra i assessôrs pes ativitâts economichis e pe mobilitât, Alessandro Venanzi e Enrico Pizza, e i dirigjents dal mandament udinês de Confcumierç. Par chel che al rivuarde la soste, i autoparcs in struture de citât a restaran vierts…

Partîts i lavôrs pe strade tra lis viis Molin Nuovo e Biella

Ai 16 di Novembar a son partîts i lavôrs pe gnove strade che e larà a peâ lis viis Molin Nuovo e Biella scjavaçant la aree là che a jerin lis Officine Bertoli. Si trate di une opare che e varà un cost di sù par jù 1 milion di euros. Cun cheste strade si larà a completâ il sisteme viari de aree Nord Est di Udin ancje cul obietîf di slizerî il trafic che cumò al pese su Padier…

E torne Sante Catarine, limitazions in Zardin Grant

Di sabide ai 21 fintremai miercus ai 25 di Novembar e torne la plui antighe fiere di Udin, ven a dî chê di Sante Catarine, metude sù ancjemò intal 1380 dal patriarcje Marquart. A partî di vuê, joibe ai 16 di Novembar, la aree di Zardin Grant e sarà a man a man interessade di limitazions ae circolazion dai veicui. Blocs stradâi e deviazions a saran indicâts cun cartei di pueste.

Plan par ricualificâ e par meti in sigurece i viâi citadins

La Zonte comunâl e à fat bon un gnûf plan par ricualificâ e par meti in sigurece lis viis plui impuartantis de citât che al pues fâ stât suntune disponibilitât di 1 milion e 120 mil euros. Il progjet dai intervents, prontât dal servizi mobilitât dal Comun, al previôt di tornâ a meti jù l’asfalt sui viâi Trieste e XXIII Marzo. In vie Cividale si tornarà a asfaltâ la trate jenfri plaçâl Oberdan e vie Fruch, intant che su viâl…

Liniis bus deviadis ancje ai 16 di Setembar

Il Comun al vise che, par vie dai ritarts causâts dal brut timp di îr, i lavôrs in Marcjât Vieri a laran indenant ancje miercus ai 16 di Setembar. Par cheste reson lis liniis dai autobus che par solit a passin par li a saran deviadis ancje doman, compagn di ce che al sucedeve intant di Friuli Doc.

Partecipazion ae setemane europeane de mobilitât

Ancje chest an Udin al partecipe ae setemane europeane de mobilitât, in program dai 16 ai 22 di Setembar, cun chê di sburtâ ancje i citadins udinês a resonâ su lis opzions di traspuart disponibilis inte aree urbane e a sielzi chês che a permetin di sparagnâ bêçs e timp. Pe ocasion la aministrazion comunâl e à metût adun un program siôr di events. Si partìs joibe ai 17 di Setembar cul “Giretto d’Italia”, promovût di Legambiente e di VeloLove…

Cul prin di Lui si inviin i lavôrs su vie Grazzano

Si inviaran miercus prin di Lui i lavôrs par fâ sù la piste ciclopedonâl e par tornâ a pavimentâ vie Grazzano. Il progjet, che si insuaze intal PISUS, al à un cost totâl di 210 mil euros che pe plui part, ven a dî 149 mil, a rivin de Regjon par mieç di fonts europeans. A son ducj di divignince comunâl invezit i 70 mil euros par tornâ a pavimentâ la strade. L’intervent al permetarà di zontâ la ciclabile che…

Mieçs gnûfs pe Polizie locâl, vinars la presentazion

Il comant de Polizie locâl dal Comun di Udin si è indotât di trê veicui gnûfs che a àn i sistemis tecnologjics plui modernis par esaminâ i sîts dai incidents e pai controi su lis stradis. I mieçs a saran presentâts doman, vinars ai 12 di Jugn, a undis di matine in place Libertà cu la partecipaziondal sindic Furio Honsell, dal comandant de Polizie locâl Sergio Bedessi, e dal assessôr pe inovazion Gabriele Giacomini.