E cres la colaborazion tra Confcumierç, SSM e Comun

In plui di dâsi dongje par planificâ la soste intant des domeniis di Dicembar, Confcumierç, SSM e Comun a lavorin adun par condividi lis informazions sui cantîrs in citât. Un tant al diven de riunion che si è tignude vuê di matine tra i assessôrs pes ativitâts economichis e pe mobilitât, Alessandro Venanzi e Enrico Pizza, e i dirigjents dal mandament udinês de Confcumierç. Par chel che al rivuarde la soste, i autoparcs in struture de citât a restaran vierts sore nuie di nûf di matine a nûf di sere (9.00 – 21.00) tes zornadis di domenie ai 6, martars ai 8, domenie ai 13 e domenie ai 20 di Dicembar e di miercus ai 6 di Zenâr. A restaran invezit a paiament ta chestis zornadis i puescj machine cun strisse blu che si cjatin ad ôr des stradis. Cun di plui, lis informazions sui cantîrs in program e su la sierade o la limitazion di stradis citadinis a vegnin comunicadis daurman a Confcumierç che lis zire po a chei tra i siei associâts che indi vegnin tocjâts.