Ai 8 di Dicembar “Cercando Tina”

Apontament doman a Cjase Cavazzini cun “Cercando Tina”, un lavôr de compagnie AreaArea tra lis fotografiis di Tina Modotti. Un viaç tra cuarp, scolte, moviment e imagjinis al Museu di Art Moderne e Contemporanie, ae scuvierte de art de artiste furlane. Il spetacul al è in program ancje domenie, ai 13 di Dicembar, simpri a 15.30. Par viodi la esibizion al è previodût un biliet. Cul biliet al sarà pussibil viodi dome la mostre dedicade a Tina Modotti.

Scree ai 4 pe mostre su la art di Štěpán Zavřel

La associazion “Vicinie dai Crotârs”, in colaborazion coul Museu etnografic di Udin e il Museu Artistic Štěpán Zavřel-Spazi Brazzà di Murùs, al propon la mostre di grafiche e di ilustrazions “Luce e Paesaggi nel Natale di Štěpán Zavřel”. La esposizion, curade di Marina Tonzig, si scree a palaç Giacomelli vinars ai 4 di Dicembar a cinc sot sere (17.00) par restâ vierte fintremai domenie ai 17 di Zenâr.

In partence la gnove stagjon di Teatro Sosta Urbana

E torne une gnove stagjon di apontaments cun Teatro Sosta Urbana, manifestazion che e ponte a puartâ il teatri in lûcs no convenzionâi, a vivi i spazis che la citât e ufrìs, e a svicinâsi ae comunitât locâl. La prime part di cheste tierce edizion de iniziative e à par teme i “destins” e si davuelzarà dai 28 di Novembar ai 27 di Fevrâr. Vot i spetacui in program. Cemût che si diseve, si tache ai 28 di Novembar, a…

Indenant la setemane di “Nassûts par lei”

E je tacade la XI “Setemane Regjonâl Nassûts par Lei”, progjet puartât in dute Italie e ideât de Associazion Culturâl dai Pediatis, de Associazion Taliane des Bibliotechis e dal Centri par la Salût dal Frut par fâ cjatâ fruts e libris te prime infanzie. Ancje tai prossims dîs e fintremai a domenie ai 22 di Novembar la biblioteche civiche “V. Joppi” di Udin, la sezion Fantats, lis bibliotechis di circoscrizion e lis librariis de citât che si son zontadis, a…

Gnove mostre al museu Archeologjic

Il museu Archeologjic dai Civics Museus di Udin, in colaborazion cun la Sovrintendince Archeologjiche dal Friûl Vignesie Julie, al propon un percors che, partint da lis scuviertis archeologjichis e dal patrimoni culturâl une vore siôr de citât, al fasarà viodi il mangjà, i libris e i rituâi dai nobii furlans jenfri Cuatricent e Cinccent. Si presente cussì “Mense e banchetti nella Udine rinascimentale”, la gnove mostre dal museu Archeologjic, che e sarà inaugurade joibe ai 12 di Novembar aes 6…

Vinars al Menossi si invie “Friuli: natura e società”

Cun vinars ai 6 Novembar alì dal auditorium Menossi (vie S. Pietro 60) e partìs la edizion 2015 di “Friuli: natura e società”, cuatri incuintris proponûts dal assessorât comunâl pal decentrament e curâts de associazion Dopolavoro Ferroviario. Il prin apontament al sarà dedicât al “Cammino Celeste”, il percors a pît di Aquilee ae mont dal Lussari, contât di un video di Clara Magro. Si larà po indenant ai 13 di Novembar cun “Poesiis e fotografiis” presentadis dal circul fotografic dal…

Si scree vinars la esposizion “Mostre e Mostri”

A van indenant lis mostris di piture proponudis dal assessorât comunâl pal decentrament intai locâi espositîfs di vie Pradamano 21. Vinars ai 6 di Novembar a siet sot sere (19.00) si scree “Mostre e Mostri”, une serie di telis che a nassin dal impegn coletîf di une disine di zovins artiscj. La mostre si podarà viodile par dut il mês di Novembar il lunis di nûf di matine a misdì (9.00 – 12.00) e di trê dopodimisdì fin sîs sot…

Apontaments par sburtâ Udin come citât dai letôrs

“Une schirie di incuintris cu lis associazions e cui citadins par un confront sul avignî des bibliotechis di cuartîr e sul potenziament de colaborazion a pro de ufierte e de cressite culturâl de citât. O vin voie di jessi la citât dai letôrs, ancje a tacâ dai cuartîrs, che a puedin cjatâ intes bibliotechis dai centris di fonde par jessi comunitât”. Cussì l’assessôr comunâl pe culture, Federico Pirone, al presente “Udine città dei lettori”, il program di apontaments che si…

Sabide visite vuidade ae mostre su Tina Modotti

Il Servizi didatic dai Museus Civics al inmanee par sabide ai 31di Otubar, a cuatri dopodimisdì (16.00), une visite vuidade ae mostre “Tina Modotti. La nuova rosa” a Cjase Cavazzini. Il cost de visite al è di 5 euros (plui il presit de jentrade) e la prenotazion e je obligatorie cuntune mail a didatticamusei@comune.udine.it.

Apontaments ae scuvierte de Joppi

“Alla scoperta della Joppi”. Cussì si clame la gnove iniziative, mensîl, che e ven organizade de Sezion manuscrits e rârs par fâ cognossi cualchi test e documents pôc cognossûts. Pal apontament di doman, joibe ai 29 di Otubar a 6 sot sere in sale Corgnali, a saran analizâts Caterina Percoto e Pietro Savorgnan di Brazzà, intun percors jenfri viaç e scriture. A tacâ di cualchi letare, scambiade jenfri lis dôs personis, si viodarà il rapuart tra i doi che, ancje…