Vinars al Menossi si invie “Friuli: natura e società”

Cun vinars ai 6 Novembar alì dal auditorium Menossi (vie S. Pietro 60) e partìs la edizion 2015 di “Friuli: natura e società”, cuatri incuintris proponûts dal assessorât comunâl pal decentrament e curâts de associazion Dopolavoro Ferroviario. Il prin apontament al sarà dedicât al “Cammino Celeste”, il percors a pît di Aquilee ae mont dal Lussari, contât di un video di Clara Magro. Si larà po indenant ai 13 di Novembar cun “Poesiis e fotografiis” presentadis dal circul fotografic dal DLF. Ai 20 di Novembar i tocjarà al documentari “Via Julia Augusta” di Ermanno Del Tatto e Gianni Roiatti. L’ultin apontament al è in program ai 27 di Novembar cun “Metafore di spazi friulani” di Fabrizio Zanfagnini. Ducj i incuintris a tachin a nûf di sere (21.00). La jentrade e je libare.