Partecipazion ae setemane europeane de mobilitât

Ancje chest an Udin al partecipe ae setemane europeane de mobilitât, in program dai 16 ai 22 di Setembar, cun chê di sburtâ ancje i citadins udinês a resonâ su lis opzions di traspuart disponibilis inte aree urbane e a sielzi chês che a permetin di sparagnâ bêçs e timp. Pe ocasion la aministrazion comunâl e à metût adun un program siôr di events. Si partìs joibe ai 17 di Setembar cul “Giretto d’Italia”, promovût di Legambiente e di VeloLove adun cun Euromobility e rivât ae sô cuinte edizion, che si propon di misurâ i spostaments di cjase al puest di vore in biciclete tra 7.30 e 9.30 di buinore. Udin, vincidôr de edizion 2011, al partecipe ae iniziative cun altris 24 Comuns. Par cognossi plui in detai i apontaments inmaneâts cun varis ents e associazions si pues contatâ l’ufici progjetazion sport e moviment ai numars 0432 1272497 e 1272494.