Lavôrs di ristruturazion al palasport Carnera

A son tornâts a tacâ i lavôrs di ristruturazion dal palasport Carnera. I intervents a saran fats de dite Riccesi di Triest e a varessin di lâ indenant par su par jù 200 dîs. Pai lavôrs la aministrazion comunâl e spindarà 2 milions e 300 mil euros. Ae fin dai intervents il palaçut dal sport gnûf cun 3 il puescj al sarà a disposizion des societâts sportivis ma ancje par organizâ concierts o spetacui. La aministrazion comunâl e veve inviât i lavôrs par vê il Cpi, il certificât di protezion incendiis. Il program dai intervents cun di plui al previôt di meti in sest diviers spazis, tant che i gabinets, i camarins e la cuviertidure.