Consegnâts i lavôrs par slargjâ la Fruch

Superâts i problemis leâts al pat di stabilitât e a cualchi criticitât di nature burocratiche, a son stâts consegnâts miercus ai 11 di Novembar i lavôrs par ristruturâ e par slargjâ la scuele primarie Fruch dai Riçs. Il progjet, là che la Aministrazion comunâl e à metût un milion e 250 mil euros, al permetarà di dopleâ i spazis a disposizion de struture scolastiche. Si previôt di fâ sù un edifici gnûf che al sarà svilupât su doi plans cun cinc aulis didatichis, i servizis e la mense. Pe costruzion si dopraran materiâi adats par rivâ ae classe A dal protocol CasaClima. Lis aulis a saran fatis par tignî un massim di 25 fruts. L’intervent, che al rivarà insom in timp pe partence dal prossim an scolastic, al permetarà duncje di dopleâ i spazis a disposizion.