25 di Novembar cuintri de violence su lis feminis

Inte suaze dai events pe Zornade Internazionâl cuintri de violence su lis feminis, la aministrazion comunâl adun cu la Comission Pari Oportunitât, l’assessorât pe Salût, l’Ospedâl, la Universitât, la Cooperative Aracon e Lis Feminis Resistentis di Udin a inmanein une zornade par sclarî ducj insiemi “vonde violence!” Cuntune dediche speciâl a Paola Schiratti, te zornade dai 25 di Novembar di davuelzaran diviers moments par fâ une riflession su la tutele des feminis. Si tacarà aes 9 mancul un cuart in Sala Ajace cuntun incuintri par fevelà di contrast ae violence su lis feminis doprant un svicinament multidissiplinâr. Si fevelarâ invezit di aspiets sociosanitariis tal apontament previodût pes dôs e mieze dopomisdì alì dal Auditorium Di Toppo Wassermann in Vie Glemone 92, cun diviers intervents su temis che a laran de medisine ae impuartance dai mieçs di informazion. La zornade a larâ indenant cu l’apontament des cinc e mieze tal cuartîr Aurora in Viâl Forze Armate 6, alì dal Punto Incontro Giovani cun “L’isola del rispetto” event promovût dal assessorât pe Salût dal Comun.