Gnûf apontament ae Cjase des Feminis

La Cjase des Feminis a ospite usgnot a tacâ des 6 sot sere, alì de sede di Vie Pradamano 21, un incuintri inmaneât de Union Sindicâl Teritoriâl Cisl e de Associazion taliane “Oltre le Frontiere”. Il teme dal incuintri al sarà la condivision dai dâts e des esperiencis dal sportel “Punto d’ascolto”, progjet metût adun par furnî supuart a ducj chei che a patissin violencis dentri cjase e sul puest di vore. Ae serade a saran presintis Marina Ellero, responsabile dal progjet comunâl Zero Tollerance e Renata Della Ricca dal coordenament feminis Cisl. Ricuardin che il sportel al è nassût daspò de firme dal acuardi cul Comun, lis organizazions sindicâls e Zero Tollerance cuintri de violence su lis feminis e sui fruts.