Al vie sabide aes ativitâts de Cjase des feminis

Al vie sabide ai 26 di Setembar, a 17.30, aes ativitâts inmaneadis de Cjase des feminis. Il program dai events dai mês di Setembar e di Otubar al tache sabide cu la “Fieste de Sierade” e la presentazion dal sît gnûf www.casadelledonne.it. Lis ativitâts a laran indenant miercus ai 30 di Setembar, a 18 cu la proiezion dal film “E se vivessimo tutti insieme?” e dal libri “Il fattore X”. Joibe prin di Otubar di 18.30 a 20.30 al è in program il prin incuintri su la lenghe arabe. Par partecipà si à di notasi mandant une email ae direzion anoq@gmail.com. Miercus ai 6 di Otubar a 18 incuintri di storytelling e joibe ai 8 a 18 e sarà screade la mostre “Abissi della mente”. Joibe ai 15, a 18, serade dedicade ae poetesse argjentine Silvina Ocampo. Ancjemò storytelling martars ai 20 di Otubar a 18. Miercus 21, simpri a 18, al è in program un incuintri cuntune gjinecoliche, a tacà dal libri “Il fattore X”. I ultins doi apontaments dal mês di Otubar, ai 22 e ai 29 a 18 a son dedicâts ae economie. La segretarie de Cjase des feminis e je vierte il lunis e la joibe di 16.30 a 19. Par partecipà aes iniziativis al è disponibil un servizi di baby parking a richieste, mandant une email a casadelledonne@comune.udine.it o clamant, intai oraris di segretarie, il numar 0432-271024.