Iscrizions vierts pal cors “Tablet di base” pes feminis

Viodude la gruesse partecipazion che si à vude fin cumò, la Cjase des Feminis e je pronte par partî cuntun altri cors di alfabetizazion digjitâl pes feminis. Cun di fat, a son viertis lis iscrizions ai cors gratuits di “Tablet di base” inmaneâts de Comission comunâl pe paritât e de associazion “SeNonOraQuando?”. Lis lezions, che a son in program vie pal mês di Lui, si davuelzaran alì de Cjase des Feminis, in vie Pradamano 21. Par partecipâ al covente iscrivisi aes direzions di pueste eletroniche snoq.ud@gmail.com o casadelledonne@comune.udine.it. Il cors al sarà dividût in doi grups, un la buinore e un tal dopodimisdì. Pal prin lis lezions si tignaran joibe ai 2 e ai 9 di Lui (9.30 – 12.30), intant che pal secont grup si davuelzaran la zornade prime, ven a dî il prin e ai 8 di Lui (15.00 – 18.00).