Permutazion di bens tra Comun e Agjenzie dal Demani

La Agjenzie dal Demani, il Comun e il Ministeri dal Interni a àn sotscrit un protocol di intese pe permutazion di imobii publics a Udin. L’at al è stât firmât dal responsabil de direzion regjonâl de Agjenzie Pierluigi Di Blasio, dal sindic Furio Honsell, e dal prefet Vittorio Zappalorto. L’acuardi al previôt che il Stât i dedi in proprietât al Comun di Udin la caserme Friuli di vie Pastrengo, il magazen idraulic di viâl Trieste e la braide sperimentâl di S. Gotart. Il Comun, invezit, e da in proprietât al Stât la stazion dai carabinîrs di Udin Est in vie Calligaris e in plui une aree e un ex magazen stradâl in vie Zara che a saran metûts a disposizion dai carabinîrs. “O soi une vore content che si puedi procedi di corse cun cheste operazion – al à comentât il sindic Honsell – dal moment che tornâ a doprâ lis areis dismetudis al è un probleme urgjent.”