Fin ai 3 di Dicembar lis candidaturis a “Giovani di Pre.gio”

Al è timp fin ai 3 di Dicembar par presentâ lis candidaturis al premi “Giovani di Pre.gio”, ricognossiment istituît chest an dal Comun par premiâ i fantats e lis fantatis pai risultâts in ambit scolastic, dal volontariât e dal sport. Tre a son lis categoriis dai ricognossiments. Une sezion e je indreçade ai zovins des scuelis secondariis di secont grât de citât. I dirigjents dai istitûts scolastic a puedin proponi i nons di un o doi arlêfs. Une altre sezion e je indreçade al privât sociâl par premiâ i zovins tra i 14 e i 29 agns. Lis candidaturis a puedin sei presentadis di associazions culturâls, di volontariât, di promozion sociâl e de comunitât. L’ultin ambit al è chel dal sport. Il ricognossiment al va ai zovins tra i 14 e i 19 agns. Lis candidaturis a puedin sei presentadis di associazions, federazions sportivis e ents che a promovin il sport. Pal premi la aministrazion comunâl e met a disposizion 10 mil euros. Ogni bant al previôt 6 ricognossiments.