Propueste di leç par promovi il dirit al zûc e al timp libar

E je stade consegnade îr ai conseîrs regjonâi Vincenzo Martines e Silvana Cremaschi la propueste di leç regjonâl su lis Normis par promovi il dirit al zûc, al sport di citadinance e al timp libar. La norme e je stade metude adun de Taule ludiche regjonâl e consegnade îr a palaç D’Aronco dal sindic, Furio Honsell, e di une rapresentance di aministradôrs locâi e di associazions dal teritori. A coordenà il lavôr e je stade la aministrazion comunâl. L’obietîf de leç, che e cjape dentri dutis lis fassis de popolazion, al è chel di promovi il benstâ traviers il zûc. Ae scriture de propueste di leç a an partecipât i Comuns cjâf lûc de Regjon , diviersis associazions e i Comuns di Bicinins, Buri, Cjampfuarmit, Chions, Cjasteons, Mugle, Puçui, Pradaman, Prate di Pordenon, Talmassons, Tavagnà e Tumieç.