Osservatori dal anzian, plui colaborazion cul ospedâl

Une colaborazion simpri plui grande e un coinvolziment simpri plui atîf de Aziende Ospedaliere Universitarie intal svilup dal Osservatori dal anzian che il Comun di Udin al à inviât inte suaze des ativitâts dal progjet european “Citâts sanis” cu la Organizazion Mondiâl de Sanitât. Chest il teme al centri de riunion che si è tignude vuê, joibe ai 14 di Novembar, tra il sindic Furio Honsell, la assessore pe salût Simona Liguori e il diretôr de Aziende Ospedaliere Universitarie “Sante Marie de Misericordie” Mauro Delendi. L’Osservatori al à chê di promovi la salût des personis plui indenant cui agns e di favorî l’invecjament in salût. Ta cheste suaze la colaborazion cu la Aziende Ospedaliere Universitarie e à duncje un puest impuartanton, ancje sul front de programazion sociâl leadis aes dinamichis evolutivis dai problemis des personis di une cierte etât.