Dai 20 ai 29 di Novembar a Udin e rive “Globulandia”

“Globulandia”, il gnûf spazi museâl sul teme dal sanc in program dai 20 ai 29 di Novembar in Sale Ajace, al è un viaç par scuviersi il valôr dal sanc pal cuarp uman, ma ancje une maniere par imparâ nozions di biologjie, storie de medisine e volontariât sociâl. La iniziative e je promovude de rêt “Citâts Sanis”, dal Centri talian dal sanc di Rome e dal Comun di Modena. Il so intindiment al è chel di fâ cognossi e preseâ ai plui zovins la impuartance de donazion. “Globulandia” e ven presentade miercus ai 20 di Novembar a 11 e mieze di matine alì de Sale dal Popul di palaç D’Aronco cu la partecipazion, tra i altris, de assessore pal sport, pe educazion e pai stîi di vite Raffaella Basana e de coordenadore dal ufizi di progjet “Citât Sanis” dal Comun di Udin Gianna Zamaro.