Aree verde dedicade a Carla Minen

Doman, vinars ai 22 di Novembar, a 10 e mieze di buinore, alì de crosere tra lis viis Crispi e Morpurgo, si varà la cerimonie di presentazion de aree verde dedicade ae musiciste Carla Minen. Ae cerimonie, volude cun fuarce dal president de Comission Toponomastiche dal Comun Franco Della Rossa, a cjaparan part ancje i gjenitôrs de ghitariste udinese e i assessôrs Enrico Pizza, Federico Pirone e Antonella Nonino.