Il “Fab Lab” al restarà viert fintremai la fin di Dicembar
Viodût il sucès de iniziative, il Comun e la Confartesanât di Udin a àn decidût di sprolungjâ fintremai la fin di Dicembar il “Fab Lab”. Si trate di un spazi metût sù alì dai locâi comunâi di vie Stringher 12, indotât ancje di diviers struments computerizâts in stât di produsi, in maniere flessibile e semiautomatiche, une largje rie di ogjets. Ta chestis trê setemanis di viertidure il Fab Lab udinês al à ospitât ancje 22 laboratoris, cun passe 360 iscrits e cetancj contats sul sît uficiâl.