Ai 29 di Novembar e torne la fieste dai arbui

Ancje chest an Udin al inmanee la fieste dai arbui. L’apontament – metût adun cul jutori de Regjon, dal Lions Club Udine Duomo, de Net, di Udine Mercati e dal vivâr Pascul di Tarcint che al à metût a disposizion lis plantis – al è in program vinars ai 29 di Novembar a dîs mancul un cuart di matine (9.45) in vie Quarto, par spostâsi po a dîs e mieze (10.30) in vie Rizzolo. Pe ocasion uns dusinte tra frutis e fruts des scuelis primariis a metaran jù 750 plantis gnovis intes dôs areis verdis citadins. Ae fieste a cjaparan part ancje i assessôrs comunâi Raffaella Basana e Enrico Pizza.