L’arbul di Nadâl si impie ai 7 di Dicembar

Inte suaze des iniziativis in program a Udin par Nadâl si à dedicât un spazi particolâr ae cerimonie uficiâl là che si impiarà l’arbul di Nadâl logât in place Libertà. Si trate di un peç di undis metris che al è stât regalât ae citât di Udin dal guvier de Carinzie. L’apontament al è par sabide ai 7 di Dicembar a misdì. Pe ocasion, in plui dai aministradôrs dal Comun di Udin, a saran in place ancje la presidente de Regjon Debora Serracchiani, il governadôr de Carinzie Peter Kaiser e il predi de parochie dal Domo Luciano Nobile pe benedizion. A compagnâ la cerimonie e sarà la orchestre carinziane, une rapresentance des scuelis elementârs de citât e une delegazion dal ERSA dal Friûl – Vignesie Julie.