Ai 30 di Novembar scree pe mostre “Biodiversitas”

Il Friûl – Vignesie Julie al à la biodiversitât plui alte tra lis regjons dal stât talian e une tra lis plui altis a nivel auropean. Propit chescj primâts naturalistics a son al centri de mostre “Biodiversitas. La natura del Friuli Venezia Giulia. Un primato in Europa” metude adun dal Museu Furlan di Storie Naturâl dal Comun di Udin che si scree sabide ai 30 di Novembar a 6 sot sere alì de ex glesie di S. Francesc. Inte nestre regjon a son cuasi 20 mil speciis, sù par jù un tierç de faune di tiere e di aghe dolce che e vîf intal stât talian. La mostre, duncje, e je une ocasion uniche par dâi une voglade plui di dongje a dute cheste biodiversitât: dai animâi che a son tornâts a frecuentâ il Friûl tant che ors, lodris e linçs a chei rivâts di inaltrò tant che gjambars ros e nutriis, cence dismenteâ lis speciis endemichis che in cierts câs a son in pericul di disparî. Un viaç tra animâi e plantis che a rindin siore la nestre regjon e che si podarà visitâ fintremai i 27 di Avrîl. La mostre e je vierte dal martars al vinars di 3 dopomisdì e 6 sot sere, la sabide, la domenie e intai dîs di fieste di 10 e mieze di matine fin 6 sot sere. Par vê plui informazions si pues lâ sul sît www.udinecultura.it.