Bant pe promozion de creativitât e de autonomie dai zovins

Dâ une man ai fantats par che a metin in vore progjets di promozion de creativitât e de autonomie dai zovins. Al è chest l’obietîf che al è daûr dal bant di ideis dât fûr dal Comun pe concession di contribûts pes iniziativis di associazions e grups zovanîi. Lis risorsis a son a disposizion pes iniziativis fatis in citât jenfri Avrîl e Setembar. Il bant, che al scjât ai 31 di Zenâr dal 2013, al è indreçât a realtâts formadis di zovins tra i 15 e i 35 agns. I contribûts a son organizâts su trê fassis di ativitâts e, a seconde de fasse, a puedin rivâ fin a mil, 2 mil e 3 mil euros. Il bant e dutis lis informazions in proposit si ju cjate sul sît dal Comun.