Carlo Giacomello al è il gnûf vicesindic

Carlo Giacomello al è il gnûf Vicesindic dal Comun di Udin. Lu à nomenât, lunis ai 2 di Dicembar, il sindic de capitâl dal Friûl, Furio Honsell, al puest di Agostino Maio, che al veve dât lis sôs dimissions ai 30 di Novembar. A Giacomello i van lis ancje deleghis par Edilizie privade, Areis dismetudis e Edilizie residenziâl e convenzionade. Al Assessôr Enrico Pizza, in plui des deleghis par Ambient e Mobilitât, i van ancje Manutenzion e Fognaduris. Honsell si à invezit tignût il referât par Lavôrs publics, Furniment urban, Edilizie publiche, Progjetazion e esecuzion di infrastruturis sul vert public.