Citadinance onorarie al poete Pierluigi Cappello

Joibe ai 5 di Dicembar a 8 e mieze sot sere, alì dal Teatri Palamostre la citât di Udin si strenzarà intor di Pierluigi Cappello par dâi la citadinance onorarie al grant poete furlan. L’incuintri, metût adun dal Assessôr pe Culture Federico Pirone cu la colaborazion dal Teatro Club di Udin, al sarà insiorât de presince di Michele Rossi, responsabil de sezion narative de cjase editore Rizzoli che di resint e à publicât il romanç autobiografic “Questa libertà” dal stes Cappello. Intant dal incuintri i arlêfs de Civiche Academie Nico Pepe si alternaran te leture dai viers di Cappello.