Prin incuintri dal consei comunâl dai fantats

Si è insediât lunis ai 2 di Dicembar, cui auguris dal sindic Honsell, il gnûf Consei comunâl dai fruts e dai fantats. La prime riunion si è davuelte cu la partecipazion dai 22 components dal Consei che a son stâts elets di resint tra 80 candidâts cuntune grande partecipazion de bande dai passe 2300 students. In cheste prime riunion i gnûfs conseîrs a àn za tacât a confrontâsi su temis tant che ambient, solidarietât, dirit al zûc e scuele. Lis ideis e i sugjeriments presentâts a saran discutûts cun aministradôrs e tecnics comunâi.