Finanziât dal Comun il progjet “Movinfanzia”
La Zonte comunâl e à decidût un contribût di 3.375 euros indreçât al Coni par svilupâ il progjet “Movinfanzia” che a partî di chest mês di Dicembar e fintremai il Jugn dal 2014 al interessarà lis sezions dai “grancj” intes 17 scuelis de infanzie di Udin par un totâl di 135 oris di ativitât. Il progjet al à chês di svilupâ intai fruts lis primis capacitâts motoriis e sportivis, usantju a coordenâ in maniere armoniche cuarp e emozions, e a educâju al moviment e ae ativitât fisiche za intai prins agns di vite.