Sergio Bedessi gnûf comandant de polizie locâl

Sergio Bedessi al è il gnûf comandant de polizie locâl dal Comun di Udin. La incarghe i è stade dade vuê, lunis ai 9 di Dicembar, dopo de conclusion de selezion fate de aministrazion comunâl. Nassût a Firenze 55 agns indaûr, Bedessi al jentrarà in servizi dentri de fin dal mês e par trê agns a dilunc. Al cjape il puest di Giovanni Colloredo. Il gnûf comandant al à za visitât i uficis de polizie locâl compagnât dal sindic de citât, Furio Honsell, e de assessore pal personâl Cinzia Del Torre.