A Udin la vicepresidence de rêt “Citâts Sanis”

Il Comun di Udin al oten di gnûf une des vicepresidencis de rêt taliane des “Citâts Sanis”. Cun di fat, intant de ultime riunion dal Comitât diretîf de rêt, a son stâts nomenâts i cinc vicjaris che a saran al flanc de presidente Simona Arletti, tra di lôr o vin ancje il sindic di Udin Furio Honsell cun deleghe aes citâts dal Nord Est dal stât taliane. Il prin compit dai vicepresidents al è chel di slargjâ la cognossince de rêt e dai siei progjets intes areis dulintor. “La cualitât de vite in citât – al à comentât Honsell – al è un dai ponts centrâi de nestre aministrazion che cussì, cu lis iniziativis cjapadis dentri intai progjets de rêt Citâts Sanis tant che il Pedibus, il Contrat de mirinde, lis azions pe inclusion sociâl e v.i., e devente un pont di riferiment a nivel european”.