Screât il Plan de Formazion 2013-2014

La Zonte comunâl e à screât il Plan de Formazion 2013-2014, un document che al cjape dentri dutis lis propuestis formativis che l’ent al à za inviât o che al inviarà tai prossims doi agns. O sin convints che lis risorsis umanis impleadis a son un patrimoni di valorizâ e di judâ tal procès di cambiament de aministrazion publiche, inte logjiche di un miorament de eficacie dai servizis pal citadin, e à comentât la assessore pal personâl Cinzia Del Torre. I progjets metûts jù de aministrazion comunâl a son in dut 36 e a saran dividûts in cuatri areis di intervent: dai cors par cirî obietîfs strategjics e gjestionâi ae formazion tecniche specialistiche, dal adestrament operatîf ai intervents formatîfs leâts a progjets europeans. Te dade 2011-2012 a son stadis cjapadis dentri cuasi 2 mil e 400 personis che in doi agns a àn partecipât a plui di un cors di formazion parom.