Dai 12 ai 15 di Dicembar in centri e rive la fiere di S. Luzie

Cu la fiere di Sante Luzie, dai 12 ai 15 di Dicembar il centri di Udin al devente un grant marcjât di Nadâl. Cun di fat, par cuatri dîs, uns sessante gloriets (gazebo) cun prodots artesans che a rivin ancje de Italie e de Europe a jemplin lis viis Vittorio Veneto, Stringher e Savorgnane e place dal Domo, zontantsi al marcjât di Nadâl di place Sant Jacum che al va invezit indenant fintremai i 24 di Dicembar. La fiere, inmaneade adun cul consorzi ambulants dal Friûl – Vignesie Julie, e je vierte di 9 di buinore a 9 di sere (9.00 – 21.00), fale ai 13 di Dicembar cuant che, in ocasion de stafete par Telethon, si tignarà viert fi a miezegnot. Par Sante Luzie però e je in program ancje une fieste di pueste pai fruts e pes lôr fameis cun animazions, laboratoris e art di strade: l’apontament al è in program vinars ai 13 di Dicembar a tacâ di 3 e mieze dopomisdì in borc S. Lazar.