Cunvigne ai 14 di Dicembar su moviment e salût

In ocasion de stafete Telethon, l’ufici “Citâts Sanis” dal Comun di Udin, la Aziende pai Servizis Sanitaris dal Friûl di Mieç e la UISP, a inmanein une cunvigne che e propon une riflession su la impuartance dal moviment par un stîl di vite san. L’apontament al è in program sabide ai 14 di Dicembar, a tacâ di trê dopodimisdì, in sale Ajace e al propon diviersis tematichis. Si tache cu la presentazion dal progjet “Fisico In-Forma” e cul intervent dal diretôr de catidre di farmacologjie de universitât di Udin, Massimo Baraldo, sul rapuart tra integradôrs, anabolizants, stimolants e salût. Plui indenant a rivin i intervents su moviment e salût curâts des assessoris Raffaella Basana e Simona Liguori, e su moviment e benstâ mentâl cu la relazion dal psicolic de UISP Massimiliano Banda. Par finî si varà la presentazion di un “decalic dal moviment” par cure di Simonetta Micossi de ASS e di Martina Brunetti de UISP. In vierzidure si varan i salûts dal sindic Furio Honsell, dai assessôrs regjonâi Gianni Torrenti e Maria Sandra Telesca, dal diretôr dal dipartiment di prevenzion de ASS dal Friûl di Mieç Giorgio Brianti, e de responsabile dal distret sanitari di Udin Gianna Zamaro.