Incuintri istituzionâl cul sindic di Villach

Il sindic, Furio Honsell, e l’assessôr pes ativitâts produtivis e turistichis, Alessandro Venanzi si son cjatâts a palaç D’Aronco ai 12 di Dicembar cul prin citadin di Villach, Helmut Manzenreiter. Al centri dal incuintri il teme dal turisim e in particolâr i apontaments di rilevance turistiche in program intai doi Comuns, tant che Friuli Doc, Villacher Kirchtag, UdinEstate e l’Astât carinzian. “O larìn indenant a promovi chestis iniziativis – al à spiegât Venanzi – ma o sin ancje daûr a stazâ gnovis oportunitâts di colaborazion sei a Udin che in Carinzie”.